राष्ट्र संघीय विशेष दूत म्यानमारय्
याङ्गुन (सिन्ह्वा)
देशय् जूगु लिपांगु आमनिर्वाचनलिपया राजनीतिक अवस्थाया अनुगमन यायेगु निितं संयुक्त राष्ट्रसंघया छम्ह वरिष्ठ दूत शनिवाः म्यानमारया राजधानी याङ्गुन थ्यंकादीगु दु । सैनिक शासन दुगु म्यानमारय् उगु सरकारं क्वचायेकूगु निर्वाचनया विषयसं थीथी खँत पिहाँवयेवं उकिया अनुगमनया निितं संयुक्त राष्ट्रसंघं विशेष दूत छ्वःगु जानकारी ब्यूगु दु ।
राष्ट्रसंघय् थुगु हे दँ विशेषदूतयारुपं नियुक्त जुयादीम्ह भारतीय कूटनीतिज्ञ विजय नामबियारयात म्यानमारया विशेषदूतयारुपं अनं छ्वःगु खः । म्यानमारया सैनिक जुनता सरकारं थुगु हे नोभेम्बर महिनाया ७ तारिखय् याःगु करिब निगू दशकलिपाया न्हापांगु आमनिर्वाचन व लिपांगु न्हय्दँ ताःहाकःगु नजरबन्दलिपा पिहाँ झायादीम्ह अनया प्रजातन्त्रवादी नेत्री आङ साङ सुकीया नजरबन्दलिपाया अवस्थायाबारे नं उम्ह दूतं अनुगमन याइ ।
श्रोतयाकथं वय्कः च्वनेगु झ्वलय् अनया उच्च सरकारी अधिकारी व प्रजातन्त्रवादी नेत्री सकीलिसे नं नापलायेगु व सहलह यानादी ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
