एशियाडय् नेपाः स्वीस्वंगू थासय्

ग्वान्झाउ चीन (झीगु स्वनिगः)

चीनयो ग्वान्झाउसं न्ह्यानाच्वंगु १६ औं एशियाली खेलकुद प्रतियोगिता म्हिगः झः झः धायेक क्वचाःगु दु । अथेहे दकले लिपांगु मिसातय्गु भलिबल कासाय् धेंधेंबल्लाः कासाय् चीनं दक्षिण कोरियायात बुकाः उगु कासा स्वर्ण पदक त्याकूगु दु । कात्तिक २६ गतेनिसें न्ह्याःगु कासाय् थीथी नीन्हय्गू देय्या कासामििपंसं ब्वति काःगु खः । धेंधेंबल्लाः कासाय् नेपालं छगू काँस्य पदक जक त्याकेत ताःलाःगु खः । बक्सङय् दीपक महर्जनं काँस्य पदक त्याकादीगु खः ।

म्हिगः क्वचाःगु म्याराथन धेंधेंबल्लाः कासाय् नेपाःमि धावक राजेन्द्र भण्डारीं घाःलाःगु कारण दथुइ हे कासा त्वःतूगु खः । ३५ किलोमिटर ब्वाँय्वनेधुंकाः भण्डारीं दथुइ हे रेस त्वःतूगु खः । म्याराथनय् दक्षिण कोरियाया जि योङ् ह्युनं स्वर्ण त्याकूगु खः । वय्कलं २ घण्टा ११ मिनेट १२ सकेन्डय् निर्धारित दूरी पूवंकूगु खः । म्याराथन कासाय् जापान ल्यू व कतार लियांल्यू लाःगु खः ।

एशियाडय् १ सय ९७ स्वर्ण १ सय १७ रजत व ९८ काँस्य पदक त्याकाः चीन न्हापांगु थासय् लाःगु दु । नेपाल छगू काँस्यलिसे पदक तालिकाय् स्वीस्वंगू थासय् लाःगु खः ।

More Stories Like this