म्हय्पिक्व त्वाःया न्हूदँया लसताय् तुच्चा ज्याझ्वः

येँ (झीगु स्वनिगः)/सानुकाजी महर्जन

न्हूदँ ने.सं. ११३१ या लसताय् म्हय्पिक्व त्वाः वडा ल्याः १६ पाखें म्हिगः तुच्चा ज्याझ्वःया ग्वसाः ग्वःगु दु । येँया म्हय्पि अजिमा द्यः थाय् याःगु उगु ज्याझ्वःया सभापति न्हुच्छे नारायण महर्जन मू पाहाँ न्हूदँ समारोह समितिया नायः विपेन्द्र महर्जन जुयादीगु खःसा ज्याझ्वलय् पाहाँकथं म्हय्पि संरक्षण समितिया पदाधिकारी राजेन्द्र श्रेष्ठ नेपाली कांग्रेसया सभासद् तीर्थराम डंगोल एमालेया मू दुजः राजेन्द्र श्रेष्ठ नेवाः न्ह्यलुवाः राजभाई जकःमि बाँसुरी खलःया नायः पूर्ण महर्जन म्हय्पिक्व त्वाः खलःया सल्लाहकार कुलबहादुर महर्जन बाबुराजा प्रजापति लगायतिपं झायादीगु खः । लः घः छेँ क्वाबहाः १७ वडा येँय् साँस्कृतिक मांतनेगु ज्याझ्वः व सिबे न्ह्यः कीपुलिइ नं ग्वसाः ग्वयेधुंकूगु खःसा थ्वहे झ्वलय् शनिवाः थुगु ज्याझ्वःया ग्वसाः ग्वयाः क्वचायेकूगु खः ।