माओवादीयात ब्यागलं तयाः शान्ति प्रक्रिया पूवनीमखु : संचारमन्त्री
येँ (झीगु स्वनिगः)
सरकारया प्रवक्ता नापं जुयाच्वनादीम्ह सूचना लिसे साचारमन्त्री शंकर पोख्रेलं एकीकृत नेकपा माओवादीयात ब्यागलं तयाः शान्ति प्रकि्रया लिच्वलय् थ्यंकेमफइगु धयादीगु दु । नेपाल टेलिभिजनया रोल्पासं दुगु प्रसारण केन्द्रया म्हिगः उलेज्या यानादिसें साचारमन्त्री पोख्रेलं उगु खँ धयादीगु खः । शान्ति प्रक्रियायात तार्किक लिच्वलय् थ्यंकेत माओवादीयात गम्भीर जुयाः न्ह्यःज्यायेत इनाप यानादिसें वय्कलं संविधान च्वयेगुया लिसलिसे माओवादी लडाकुया समायोजन व पुनःस्थापना न्हापांगु प्राथमिकतामा जुइमाःगु धयादीगु दु ।
मन्त्री पोख्रेलं सहमतिया कुतः मयासे वर्तमान सरकारयात कामचलाउ धकाः हुइनाभुइना हयेगु विद्यमान संक्रमणकालया ह्वःताः चूलाकाः देय्यात उखेथुखे यायेत स्वःगु बिचाः प्वंकादीगु दु । रोल्पाया सातदोबाटोया गुफालेकय् दुगु नेपाल टेलिभिजनया प्रसारण केन्द्र म्हिगः उलेज्या यायेधुंकाः रोल्पा लगायत राप्ती अञ्चलया मेमेगु जिल्लाय् नापं सामान्य एन्टेना जक तयाः विना शुल्क जनतां नेपाल टेलिभिजन स्वयेदइगु जूगु दु ।
