भाषिक सम्मेलन क्वचाल
कीपू (झीगु स्वनिगः)
भाषाया अध्ययन अनुसन्धान ज्याय् ग्वाहालि यायेगु लक्ष्यलिसे भाषाविज्ञान समाज नेपालया ग्वसालय् कीपुलिइ न्ह्यानाच्वंगु निगू दिवसीय भाषिक सम्मेलन क्वचाःगु दु । नेपाः भारत जापान अमेरिका पाकिस्तान फिनल्याण्ड लगायतया थीथी देय्या भाषा वैज्ञानिकतय्गु ब्वति दुगु उगु सम्मेलनय् न्यय्स्वंगू कार्यपत्रय् सहलह याःगु समाजया नायः डा। दानराज रेग्मीं धयादीगु दु । सम्मेलनय् नेपाःया थीथी लोपोन्मुख भाषाया सम्बन्धय् गम्भीररुपं सहलह याःगु सम्मेलनया ब्वति काःमि लिसे भाषाविज्ञान समाज नेपालया आजीवन दुजः सुरेश सापकोटां धयादिल ।
लोपोन्मुख भाषाया व्याकरणीक विशेषता लिसे उकिया मुलभूत विशेषता शब्दकोष निर्माण लगायतया विषयसं याइगु अध्ययन अनुसन्धानया नितिं सम्मेलन विशेष ग्वाहालि जूगु वय्कलं जानकारी बियादीगु खः ।
