नेपालय् एड्स प्रभावितया ल्याः म्हो जुल : राष्ट्रसंघ

येँ (झीगु स्वनिगः)

सन् २००१ या तुलनाय् सन् २००९ सं नेपालय् एड्सया प्रभाव म्हो जूगु संयुक्त राष्ट्रसंघं जानकारी ब्यूगु दु । संयुक्त राष्ट्रसंघीय एड्स रिपोर्ट २०१० पिथना राष्ट्रसंघं नेपाः भारत व थाईल्याण्डय् नीन्यागू प्रतिशत स्वयाः म्हो जूगु जानकारी ब्यूगु दु । एशियाया पुरा तथ्याङक स्वयेबलय् न्यादँनिसें थ्व क्षेत्रय् एड्स प्रभावितया ल्याः पीगुंगू लाखय् थ्यनाच्वंगु खः । नेपाः भारत व थाईल्याण्डय् म्हो जूसां नं बङ्गलादेश फिलिपिन्स व पाकिस्तानय् नीन्यागू प्रतिशतं अप्वःगु दु । उखे मलेशिया व श्रीलंकाय् धाःसा स्थीर जुयाच्वंगु दु । नेपाःया सन्दर्भय् मिसा स्वयाः मिजं एड्सबारे जानकार दुगु रिपोर्टय् न्ह्यथनातःगु दु । रिपोर्टं खुइप्यद्वः नेपाःमििपंत एड्स जूगु जानकारी ब्यूगु दु ।