विस्तारित मुँज्याया सन्देश : बिचारय् स्वतन्त्रता ज्या यायेगुलिइ एकरुपता

श्रीकृष्ण महर्जन

एकीकृत माओवादीया नायः प्रचण्ड न्वकूिपं मोहन बैद्य व डा। बाबुराम भट्टराई नं ब्यागलं ब्यागलं कथंया राजनीतिक प्रतिवेदन पेश याःगुिलं द्वलंद्वःम्ह कार्यकर्तातय् दथुइ बिवाद जुयाः पार्टी कुचा दलीगु जुल धकाः माओवादी विरोधी नेतातय्सं धयाच्वंगु इलय् माओवादीया कार्यकर्तात देय् व जनतायाप्रति इमान्दार जुयाः आः ज्या यायेगु सवालय् एकरुपताय् यंकेगु धकाः सन्देश विस्तारित मुँज्यां ब्यूगु दु । नेपाःया राजनीति तरलता जुयाच्वंगु वर्तमान अवस्थाय् एकीकृत माओवादीया गोर्खाया पालुङटारय् क्वचाःगु विस्तारित मुँज्यां बिचारय् स्वतन्त्रता अले ज्या यायेगुलिइ एकरुपताया सन्देश ब्यूगु दु । न्हय्न्हू तक जूगु उगु विस्तारित मुँज्या ज्वःछि थीथी राजनीतिक दलया थीथी नेतातय्सं माओवादी विरुद्ध नकारात्मक प्रभाव लाइगु कथंया अभिब्यक्ति सार्वजनिकि रुपं ब्यूगु जक मखु संचार माध्यमं तकं माओवादीया मुँज्या प्रति नकारात्मक कथं टिप्पणी याःगुयात हाथ्या बिइगु कथं उगु कथं बिचारय् स्वतन्त्रता बियाः ज्या यायेगुलिइ एकरुपता बिइगु धकाः नेपाःमि जनताया सन्देश ब्यूगु दु ।

विशेष यानाः माओवादीया राज्य समितिया दुजः नापं नेतृत्व यानाच्वंपिन्सं थःपिनिगु स्पष्ट धारणा तयेगु नेतृत्वयात आलोचना यायेगु नेतृत्वयात आःया अवस्थायात ध्यानय् तयाः भावी कार्यनीति व रणनीतिया बारे तकं ध्वाथुइकेगु ज्या याःगु धैगु बिचारय् स्वतन्त्रता जुयाः नं ज्या यायेगुलिइ एकरुपता हःगु खः धकाः अःपुक हे अनुमान यायेफैगु अवस्था ब्वलंगु दु । थौंया अवस्थाय् शान्ति व संविधानया निितं जनताया भावना कथं न्ह्याः वनेगु अले उकियात पंगः थन धाःसा जनताया हे साथ कयाः जनविद्रोह यायेगु धकाः गुगु कथं माओवादी एकता जुयावःगु दु थुिकं बहुसंख्यक नेपाःमि जनतात गुपिन्सं ज्यासना नयाः वयाच्वंगु श्रमजीवी दु ईपं तसकं लयेताःगु दु ।