विवाद ज्यंकेत बैठक सम्मेलन व महाधिबेशन

येँ (झीगु स्वनिगः)

एकीकृत माओवादीया विस्तारित मुँज्याय् न्ह्यब्वःगु स्वंगू राजनीतिक दस्ताबेजयात छगू हे रुप बिइगु ज्या याःगु दुसा उकिइ ल्यंदनिगु विवादयात केन्द्रीय कमिटीइ यंकाः सहलह ब्याकाः ज्यकीगु जूगु दु । कार्यदिशाया सवालय् एकमत जुइ धुंकूगु अवस्थाय् प्रधान शत्रुनिसें मेमेगु सवालय् जुयाच्वंगु बिवादयात आः केन्द्रीय कमिटीया याकनं हे मुँज्या च्वना सहलह ब्याकेगु अले माल धाःसा पाटीया सम्मेलन व महाधिबेशनय् तकं यंकीगु जूगु दु ।