विस्तारित मुँज्या अभूतपूर्व रुपं सफल

षड्यन्त्र यातकि जनविद्रोह

येँ (झीगु स्वनिगः)

एकीकृत नेकपा माओवादीया वंगु आइतवाःनिसें गोर्खाय् पालुङटारय् जूगु खुक्वःगु विस्तारित केन्द्रीय मुँज्यां शान्ति व संविधानया निितं माःगु कथं न्ह्याः वनेगु झ्वलय् षडयन्त्र यात धाःसा जनविद्रोह यायेगु म्याण्डेत ब्यूगु दु धकाः माओवादीया नायः पुष्पकमल दाहाल प्रचण्डं धयादीगु दु । न्हय्द्वःम्ह नेता कर्याकर्तातय्त केन्द्रीकृत यानाः न्हय्न्हू तक हे लगातार गोर्खाया पालुङटारय् जूगु विस्तारित मुँज्या क्वचायेकाः म्हिगः शनिवाः पालुङटारय् हे पत्रकार सम्मेलन यानाः माओवादीया नायः प्रचण्डं अथे धयादीगु खः । माओवादीया विस्तारित मुँज्यां हे माओवादी कुचा दलेमा धकाः प्रतिकि्रयावादी व नेपाःमि जनता विरोधीतय्सं चाहाना यानाच्वंगु खःसा नेपाःमि जनतां धाःसा देय् व जनताया निितं ह्यूपाःया निितं माओवादी छप्पँ जुयाः वयेमा धकाः आशा यानाच्वंगु खँ न्ह्यथनादिसें माओवादीया नायः प्रचण्डं नेपाःमि जनताया आशा कथं हे माओवादी छप्पँ छधी जुयाः वनेगु उद्घोष यायेत विस्तारित मुँज्यां म्याण्डेत ब्यूगु खः धकाः नं धयादिल । आः माओवादी वार्ता व संघर्षयात नाप नापं यंकेगु जुइ धकादिसें वय्कलं राष्ट्रियता जनजीवीका जनतन्त्र व नेपाःमितय्गु निितं निरन्तर रुपं आन्दोलन यानाः वनेगु जुइ धकाः नं धयादिल ।

स्वनिगलंपिने न्हय्द्वःम्ह नेता कार्यकर्तात छथासं च्वना पार्टीइ वनयाच्वंगु बिचारय् बहस यायेगु थ्व न्हापांगु व ऐतिहासिक ज्या जूगु दु धयादिसें नायः प्रचण्डं आः राजनीतिक गतिरोध अन्त्य यायेगु निितं अझ अप्वः कुतः यायेगु जुइ धयादिसें सरकार निर्माण व शान्ति प्रकि्रयायात पूवंकेगु निितं नं माःगु कथं भूमिका म्हितेगु जुइ धयादिल। विस्तारित मुँज्या अभूतिपूर्व रुपं ताः लात धयादिसें वय्कलं विस्तारित मुँज्याय् न्वकूिपं निम्ह मोहन बैद्य किरण व डा। बाबुराम भट्टराई नापं थःगु यानाः स्वंगू हे राजनीतिक प्रतिबेदनयात कयाः तसकं बहस जूगु नापं बहसलिपा मंकाः कथं छगू हे राजनीतिक प्रतिवेदन तयार यायेगु ज्या जूगु अले व प्रतिवेदनयात केन्द्रीय कमिटीइ यंकाः सहलह ब्याकेगु धकाः सहमति जूगु दु धकाः धयादिल । नायः प्रचण्डं विस्तारित मुँज्याय् नेता व कार्यकर्तातय्सं नुगः चकंका हे थःथःगु बिचाः तःगु दु धयादिसें द्वन्द्ववादी सिद्धान्तया आधारय् कम्युनिष्ट मनूत न्ह्याबलें एकता संघर्ष रुपान्तरणया सिद्धान्तयात नालाः न्ह्याः वनीगु उदाहरण थुगुसीया विस्तारित मुँज्या नं जूगु दु धकाः धयादिल ।

पत्रकार सम्मेलनय् माओवादीया न्वाकु मोहन बैद्य किरणं पार्टी दुने आः छगू जक राजनीतिक प्रतिवेदन ल्यं दनिगु नापं उकियात कयाः केन्द्रीय कमिटीइ सहलह ब्याकेगु जुइ धयादिसें मूल रुपं कार्य योजनाया सवालय् एक मत जुइ धुंकल धकाः धयादिल । अथे हे मेम्हे न्वकू डा. बाबराम भट्टराई नं आः शान्ति व संविधानया सवालय् संघर्ष यानाः वनेगु धैगु खँय् छगू हे मत दु धयादिसें नेपाःमि जनताया मुक्तिया निितं संघर्ष अनिवार्य खः धकाः धयादिल । पत्रकार सम्मेलनय् मूछ्यााजे रामबहादुर थापा बादलं न्ह्याकादीगु खःसा प्रवक्ता दिनानाथ शर्मां प्रेस विज्ञप्ति ब्वनाः न्यंकादीगु खः अथे हे पत्रकारतय्सं तःगु न्ह्यसःया लिसः माओवादीया नायः प्रचण्ड न्वकूिपं मोहन बैद्य व भट्टराई नं बियादीगु खः ।