करातेया कासामिपिनिगु निराशाजनक प्रदर्शन

ग्वान्झाउ चीन (झीगु स्वनिगः)

चीनया ग्वान्झाउसं न्ह्यानाच्वंगु १६ औं एशियाली खेलकुद एशियाड य् नेपाःया कराँते कासामििपंसं म्हिगः नं बांमलाक्क प्रदर्शन याःगु दु । ६० केजी तौल समूहसं विनोद महर्जन उज्वेकिस्तानया कासामिलिसे ३-० ल्याःपाखें बूगु खः । वय्कः न्हापांगु चरणय् ब्रुनाईया कासामियात ३-० ल्याःपाखें व पि्रक्वाटर फाइनलय् किर्गिस्तानया कासामियात ४-२ ल्याखं बुकुसें क्वाटर फाइनलय् दुहाँवंगु खः ।

अथेहे ६७ केजी तौल समूहसं कुशल श्रेष्ठ नं पि्रक्वाटर फाइनलय् साउदी अरबया कासामिलिसे १-० पाखें बूगु खः । वय्कलं न्हापांगु चरणय् लाओस्या कासामियात बुकुगु खः । अथेहे रोजी नगरकोटी ५५ केजी तौल समूहलय् भारतीय कासामिलिसे ३-२ ल्याःपाखें बुनाः क्वाटर फाइनलपाखें पिहाँवंगु खः ।

More Stories Like this