ग्वँगःबुँया मोबाइल पसलय् खुयाः यंकल

येँ (झीगु स्वनिगः) / सानुकाजी महर्जन

थनया ग्वँगःबुँइ च्वंगु नवज्योती स्कूल नापं दुगु बालाजी मोबाइल मर्मत केन्द्रया मोबाइल पसः पाखें वंगु चान्हसिया निताः इलय् सटरय् ग्वयाःतःगु स्वफ्वः ताफ्वः तछ्यानाः थ्यंमथ्यं स्वंगू लाख तका बराबरया सामान खुयाः यंकूगु दु । पसः थुवाःनं ब्यूगु जानकारीकथं मीत हयातःगु पीगः न्हूगु मोबाइल सेट दयेकेगु नितिं हयातःगु खुइगः मोबाइल सेटया लिसलिसे मोबाइलय् तयेगु न्हूगु ब्याट्री सच्छिगः यानाः मुक्कं स्वंगू लाख तका बराबरया सामान खुयाः यंकूगु खः । खुँतय्त धाःसा ज्वनेमफूनीगु व स्थानीय प्रहरीपाखें मालेगु ज्या जुयाच्वंगु नापं जानकारी ब्यूगु दु ।