नागरिकतायात हे आधार दयेकि : सर्बोच्च

येँ (झीगु स्वनिगः)

सर्बोच्च अदालतं किपाः लिसेया मतदाता म्हसीका पौ दयेकेत नागरिकतायात हे आधार तायेकेत निर्बाचन आयोगयात उजं ब्यूगु दु । न्यायाधीश प्रकाश बस्तीया याकः इजलासं नागरिकता बाहेक मेमेगु दसिपौयात आधारकथं मकायेत निर्बाचन आयोगया नामय् विहीवाः अन्तरिम उजं ब्यूगु खः ।
इजलासं नागरीकताबिना मतदाता नांधलः मुंकूगुया लिखित लिसे िझंन्यान्हुयादुने बिइत नं निर्वाचन आयोगयात उजं ब्यूगु दु ।
थ्व स्वयाः न्ह्यः निर्बाचन आयोगं मधेशवादी दलया दवाबय् वंगु कात्तिक १६ गते जग्गाधनी प्रमाणपत्र स्थानीय निकायया सिफारिसया आधारय् नं मतदाता म्हसीका पौ बिइगु निर्णय याःगु खः ।

नागरिकता बाहेक दसिया आधारय् मतदाता म्हसीका पौ बीगु मतदाता नामावली ऐन २०६३ अःखः जुइगु नापं राष्ट्रिय हित अःखः जुइगु दाबी यानादिसें अधिवक्ता ऋषीराम घिमिरे ताराप्रसाद लामिछाने लगायत न्याम्हसिनं सर्बोच्चय् रिट दायर यानादीगु खः ।