लैङ्गिक हिंसाविरुद्धया १६ न्हुया अन्तर्राष्ट्रिय अभियान

येँ (झीगु स्वनिगः)

लैङ्गिक हिंसा बिरुद्धया झिंखुन्हुया अन्तर्राष्ट्रिय अभियान विहीवाःनिसें थीथी जनचेतनामुलक ज्याझ्वः यानाः हंगु दु । हरेक दँ नोभेम्बर २५ निसें विश्व मानवअधिकार दिवस डिसेम्बर १० तक्क मिसा हिंसा बिरुद्धया दिवस हनाः वयाच्वंगु खः । थुगु दँ हिंसाया स्वरुपत : सैन्यकरण व मिसा हिंसादथुइ अन्तरसम्बन्धया विवेचना धइगु मू नारालिसे थ्व अभियान न्ह्याकूगु खः । राष्ट्रिय मिसा आयोगं विहीवाः येँय् छगू प्रतिवेदन सार्बजनिक यासें लैङ्गिक हिंसाया घटनाय् म्हो मजूगु जानकारी नापं ब्यूगु दु । सरकारं सन् २०१० यात लैङ्गिक हिंसाविरुद्धया दँ घोषणा याःसां नं स्पष्ट ज्याझ्वः हयेफूगु मदुनि ।

झिंखुन्हुया अभियानयात तुयुगु रिबनयारुपं नं म्हसीकेगु याः । थःत लैंङ्गिक हिंसाविरुद्ध थनीपिंसं अभियान ज्वःछि तुयुगु रिबन तयेगु याइ । मिसा दथुइ जुइगु न्ह्यात्थेंज्याःगु हिंसाया भाःला मिजंतय्सं कायेमाः धइगु बिचाःपाखें प्रेरित जुयाः सन् १९९१ सं क्यानडाया मिजंतय्सं तुयुगु रिबन छ्यलेगु चलन न्ह्याःगु खः ।