नेवाः राजनीतिक सम्मेलन
स्वनिगःया आदिवासी नेवाःतय्सं संघीय गणतान्त्रिक नेपालय् आः नेवाःतय्गु अग्राधिकार नापंया नेवाः स्वायत्त राज्यया माग यानाः आन्दोलन यानाः वयाच्वंगु दुसा आन्दोलनया हे दथुइ वइगु १७ गतेनिसें नेवाः राष्ट्रिय राजनीतिक सम्मेलनया निितं तयारी यानाच्वंगु दु । ख्वपय् उद्घाटन समारोह यायेगु निितं सांस्कृतिक झाँकी नापं र् याली पिकायेगु नं ग्वसाः ग्वयातःगु दु । उगु ज्याझ्वलय् देय्न्यंकंया नेवाःतय्सं ब्वति काइगु जुयाः जक मखु राजनीतिक दलया नेवाः खलः पुचःया प्रतिनिधितय्सं आधिकारीक रुपं हे ब्वति काइगु जुयाः नं अर्थपूर्ण जूगु दु । नेपाःया मूमू राजनीतिक दल एकीकृत माओवादी नेपाली कांग्रेस एमाले नापं नेपाः राष्ट्रिय पार्टींया तकं जातीय मोर्चां ब्वति काइगु धैगु छगू कथं थःथःगु पार्टी दुने नं नेवाः स्वायत्त राज्यया निितं दबाव बिइत खः धकाः धायेफैगु अवस्था दु । उगु सम्मेलं नेवाः स्वायत्त राज्यया निितं छु गज्वःगु खँ पितहइ व सरोकारवाला दलया नं अप्रत्यक्ष रुपं स्वीकार याःगु खः धकाः धाःसां छुं पाइमखु ।
नेवाःतय्गु आदिभूमिइ हे संघीय गणतान्त्रिक नेपाःया राजधानी जुयाच्वंगु अले व हे लागाया आदिवासी नेवाःतय्गु जातीय खलः पुचःनिसें राजनीतिक दलया नेता व कार्यकर्तातय्गु तकं उपस्थितिइ जुइगु नेवाः राजनीतिक सम्मेलन तःधंगु महत्व दैगु स्वाभविक हे खः । उगु सम्मेलनं नेवाः स्वायत्त राज्यया लागा नेवाः स्वायत्त राज्यय् नेवाःतय्गु अग्राधिकार नेवाः स्वायत्त राज्यं पिनेच्वंिपं नेवाःतय्गु अधिकार नापं नेवाः स्वायत्त राज्य दुने च्वंिपं गैर नेवाःतय्गु अधिकारया बारे छु गज्वःगु अवस्था जुइ धकाः नेवाः राष्ट्रिय राजनीतिक सम्मेलनं अवधारणा हयेमाःगु अवश्यकता दु । यदि नेवाः राष्ट्रिय राजनीतिक सम्मेलनं थःपिनिगु अवधारणा स्पष्ट रुपं हयेफत धाःसा संघीय गणतान्त्रिक नेपाःया संविधान दयेकेगु भाला कयाच्वंिपं संविधानसभाया दुजःतय्त नं छगू कथं गाईड लाइन जुइगु संभावना दु ।
उलि जक मखे नेपाःया आदिवासी जनजाति ल्यूने लानाच्वंगु समुदाय नापं थीथी ख्यःया मनूत गुपिन्सं थःपिनिगु विशेषाधिकार माः धकाः माग यानाः स्वायत्त प्रदेश बाय् राज्यया माग यानाः वयाच्वंगु दु इमिगु निितं नं छगू ग्वाहालि जुइ धैगु खँय् नं सुयां निगू मत दैमखु । स्वनिगःया नेवाःतय्गु तसकं ऐतिहासिक बस्तीया रुपय् नालातःगु ख्वपय् याइगु नेवाः राष्ट्रिय राजनीतिक सम्मेलन गुगु कथं जुइगु खः धकाः मनूतय्सं स्वयाच्वंगु दुसा विशेष यानाः नेवाः विरोधीतय्सं नेवाः सम्मेलन गुगु कथं क्वचायेकीगु खः अले व सम्मेलनं छु गज्वःगु खँ पितहइ धकाः स्वयाच्वंगु दु ।
More Stories Like this
पार्टी एकता छुकिया नितिं ?चिकंया भाः कुहांवलं नं नेपालय् छाय् लागू मजूगु ?
संघर्ष समितियात सक्रिय याये
थौं मजदुर दिवस
जातीय पहिचानयात कयाः दलतय्गु दथुइ सहमति