मोटरसाइकल र्याली बिरगंज वन
नेपाल संवत् ११३१ न्हूदँया लसताय् दँय्दसं यानावयाच्वंगु मोटरसाइकल र्याली थुगुसी येँनं हेटौंडाजुया बिरगंज वंगु दु । चःमति नेवाः खलः, चःमति, येँ–१५ वडाया ग्वसालय् न्ह्याःगु थुगु र्यालीइ थ्यंमथ्यं स्वसःगः मोटरसाइकलं ब्वतिकाःगु दु ।
थौं सुथय् थनया शोभा भगवतिइ येँ महानगरपालिकाया कार्यकारी अधिकृत आनन्दराज पोखरेलजुं त्वाःदेवाय् मत च्याकाः र्यालीया उलेज्या यानादीगु ख: । नेपाल भाषा मंकाः खलः, येँया नायः पद्मरत्न तुलाधार व मू छ्यांजे नरेश वीर शाक्य नापं अष्टलक्ष्मी शाक्य व राजेन्द्र श्रेष्ठिपंसं नं रिवन चानां मंकाः उलेज्या यानादीगु खः ।
मकवाना बिस्कुट प्रा.लि.या कृष्ण बहादुर श्रेष्ठं ब्वति कयादीपिं सकलसित खेँय् सगं बियाः भिंतुना बियादीगु खः । र्यालीयात फंपिइ तःधंगु लसकुस याइगु ज्याझ्वः दु । र्याली थौं हे हेटौंडा जुयाः बिरगंजय् थ्यनीसा अन कन्हय् तःजिक नेवाः भ्वय् जुइगु व टाउन हलय् थीथी साँस्कृतिक ज्याझ्वः क्यनीगु ग्वसाखलकं जानकारी ब्यूगु दु । र्याली कंस येँय् लिथ्यनी ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
