इण्डोनेशियाली ज्वालामुखीपाखें सीपिनिगु ल्याः ३२४ थ्यन
जाकर्ता (सिन्ह्वा)
इण्डोनेशियाया मध्य जाभासं च्वंगु माउण्ट मेरापीइ तज्याःगु ज्वालामुखीपाखें सीपिनिगु ल्याः बुधबाःतक्कयादुने स्वसः व नीप्यम्ह थ्यंगु अधिकारीतय्सं जानकारी ब्यूगु दु । दैवीप्रकोप व्यवस्थापन लिसे नियन्त्रण संस्थाया उम्ह अधिकारीं जानकारी ब्यूकथं ज्वालामुखीया ग्याःचिकु म्हो जुइधुंकाः आपालं विस्थापित मनूत छेँय् लिहाँवंगु दु । तर ज्वालामुखी विज्ञान सम्बन्धी संस्थां धाःसा उगु ज्वालामुखी अझ नं उच्च सतर्कताय् हे दुगु जानकारी ब्यूगु दु ।
उम्ह अधिकारीं आन्तरिकरुपं विस्थापितपिनिगु ल्याः प्यंगू लाखं म्हो जुयाः थ्यंमथ्यं छगू लाख व झिद्वलय् कुहाँवःगु सिन्ह्वायात जानकारी ब्यूगु खः । ज्वालामुखी विष्फोटया पीडित प्यसः व नीन्हय्म्ह अझ नं वासः याकाच्वंगु दनी । उगु नीखुसः व खुइच्यागू मिटर तज्जाःगु मेरापी पहाड अक्टुबर २६ निसें तज्यानाः पीगू कि.मि. ताःपाक्क नौ थ्यंगु खः । उगु हे पहाडय् सन् १९३० सं जूगु विस्फोटय् द्वःछि स्वयाः आपालं मनूत सीगु खः ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
