कि्रकेटय् कासाय् नं नेपाः बुत

येँ (झीगु स्वनिगः)

१६ औं एशियाली खेलकुद धेंधेंबल्लाः कासा अन्तर्गत मिजं कि्रकेटय् नेपाः श्रीलंकालिसे २ विकेटया अन्तरं बूगु दु । स्वर्ण पदकया दाबेदार श्रीलङ्काबिरुद्धया कासाय् टस त्याकाः न्हापांगु ब्याटिङ याःगु नेपालं १९ दशमलव ४ ओभरय् फुक्क विकेट तंकाः ७२ रन दयेकूगु खः । कप्तान पारस खड्का व उपकप्तान ज्ञानेन्द्र मल्लं स्वंगूगु विकेटया निितं ४९ रनया साझेदारी याःगु खः । न्हापांगु ओभरय् टिमया छगू रन दुबलय् अनिल मण्डलयात शून्य रनय् तंकूगु नेपालं न्यागूगु ओभरय् महेश क्षेत्रीयात नं स्वंगू रनय् तंकूगु खः ।

अनंलिपा ज्ञानेन्द्रं ३० व पारसं १८ रन दयेकूगु खः । १५ औं ओभरय् ज्ञानेन्द्र पेभिलियन लिहाँवनेधुंकाः नेपालं थप १३ रन काःबलय् न्यागू विकेट तंकूगु खः । लिसलय् श्रीलङ्कां ७ बल न्ह्यः ७३ रनया लक्ष्य ८ विकेट तंकाः पूवंकल । नेपाःया अमृत भट्टराई पारस खड्का व बसन्त रेग्मीं २/२ लिसे राहुलकुमार विकं १ विकेट काःगु खः । श्रीलङ्कायात त्याकेगु निितं १२ बलय् ६ रन माःगु इलय् कप्तान पारसं बलिङया जिम्मेवारी ज्ञानेन्द्रयात ब्यूगु खः । ज्ञानेन्द्रया निगूगु बलय् श्रीलङ्काया साजिवा वारकोनं चौका प्रहार यायेगु हे नेपाःया निितं बांमलाःगु जूगु खः ।

More Stories Like this