छधी छप्पँ जुइत माओवादी नेतृत्वयात छ्याता

येँ (झीगु स्वनिगः)

एकीकृत नेकपा माओवादीया बिस्तारित बैठकय् ब्वति दुिपंसं एकताबद्ध जुयाः क्रान्तिया कार्यभार पूवंकेमाःगु खँय् बहः बियादीगु दु । गोर्खाया पालुङटारय् न्ह्यानाच्वंगु खुक्वःगु विस्तारित बैठकय् नायः पुष्पकमल दाहाल प्रचण्ड न्वकुिपं मोहन वैद्य किरण व डा. बाबुराम भट्टराईया ब्यागलं ब्यागलं प्रतिवेदनय् बिचाः तयादीिपं राज्य समितिया प्रतिनिधितय्सं स्वंगुिलं प्रतिवेदनयात छगू हे दयेकेमाःगु माग नापं याःगु दु । उमिसं प्रधानमन्त्री निर्बाचनया इलय् वःगु सभासद न्याये मीगु सम्बन्धी हुइनाभुइना बारे स्पष्ट यायेत नेतृत्वयात इनाप याःगु दु । आःतक्क सेती - महाकाली भेरी - कर्णाली थारुवान मगराँत तमुवान ताम्सालिङ अवध भोजपुरा व नेवाः राज्य समितिपाखें प्रतिवेदनय् बिचाः तयेगु ज्या क्वचाःगु दु । न्याम्हसिनं तटस्थय् बिचाः तःगु खः । माओवादी प्रवक्ता दीनानाथ शर्मां बैठकय् सकारात्मक छ्याता वःगु प्रतिकि्रया बियादीगु खः । मंकाः सहलहसं वःगु आपालं बिचाःयात कःघानाः छगू हे आधिकारिक बिचाः क्वःछिइगु प्रवक्ता शर्मां जानकारी बियादीगु दु ।
प्रतिवेदनय् सहलहया निितं थ्यंमथ्यं खुद्वः राज्य समितिस्तरया कार्यकर्तातय्त स्वीगू पुचलय् ब्वथलेगु ज्या जूगु खःसा बिचाः तयेगु निितं छम्हसित झिगू मिनेट ई फ्यानातःगु खः । फुक्कसिनं बिचाः तयादीधुंकाः नायः प्रचण्डं एकीकृत बिचाः तयादीगु माओवादी श्रोतं जानकारी ब्यूगु दु ।