राष्ट्रपति हाकनं बिवादय्

तत्कालिन प्रधानसेनापाति रुक्माङगत कटुवालयात थमौति यानाः बिवादय् वःम्ह राष्ट्रपति डा। रामबरण यादव हाकनं छकः बिवादय् लाःगु दु । मूल रुपं थःम्हं हे राजीनामा स्वीकृत यानाम्ह कामचलाउ सरकारया सिफारिसया आधारय् बाधा अड्काउ फुकाउ आदेश जारी याःगु दु । नापं प्रधानमन्त्रीया चुनावी प्रकि्रया न्ह्यानाच्वंगु हे इलय् व्यवस्थापकीय संसद्या न्ह्यानाच्वंगु अधिबेशनयात अन्त्य घोषणा यानाब्यूगुिलं अथे राष्ट्रपति बिवादय् वःगु खः । कामचलाउ सरकारया सिफारिसय् विशेषाधिकार कथं राष्ट्रपति डा. यादवं गुगु कथं बाधा अड्काउ फुकाउ आदेश जारी यानादीगु खः व आः वयाः छगू कथं बिवादया विषय जूगु खः । कामचलाउ सरकारया सिफारिसया आधारय् हे बाधा अड्काउ फुकाउ आदेश जारी याःगुिलं आः मेमेगु सरकारं छुं नं विषययात कयाः बाधा अड्काउ फुकाउ आदेश जारी यायेत सिफारिस यात धाःसा राष्ट्रपितं उगु पलाः ल्ह्वने हे मालीगु नजिर जुइगु अवस्था ब्वलंगु दु ।

राष्ट्रपतियात छगू कथं सकि्रय यायेगु कुतः कथं अथे बाधा अड्काउ फुकाउ आदेश जारी याःगु खः धकाः तकं मनूतय्सं टिप्पणी यानाहःगु अवस्था दु । उलि जक मखु स्वयं राजनीतिक दलतय्सं तकं उकियात कयाः गम्भीर रुपं बिचाः यानाहःगु दु । कामचलाउ सरकारया सिफारिसयात गुगु कथं राष्ट्रपितं अःपुक स्वीकारयात व धैगु राष्ट्रपति स्वयं तकं सकि्रय जुयाः वयेगु मनस्थिितं वःगु मखु धकाः सुनानं धायेफैगु अवस्था मदु । उलि जक मखु न्हूगु सरकारया चुनाव जुयाच्वंगु व्यवस्थापिका संसदया तकं अन्त्य घोषणा यानाब्यूगुिलं राष्ट्रपतिया पलाः झन् बिवादय् वःगु खः । कामचलाउ सरकारं बजेट हयेगु निितं हथाय् चायाः गुगु कथं अधिबेशन अन्त्य यायेगु निितं धकाः गुगु कथं सिफारिस यात उिकं यानाः सरकार जक मखु उकियात स्वीकार यानाः अधिबेशन अन्त्य यानादीम्ह राष्ट्रपतियात तकं बिवादय् सालाहल । गथे यानाः ज्यू माओवादीयात माईनस यायेगु धकाः स्वयाच्वंिपं कांग्रेस व एमालेया नेतातय्सं अथे सरकार व राष्ट्रपति हथाय् चायाः अधिबेशन अन्त्य याकेब्यूगुिलं आः प्रधानमन्त्रीया चुनाव छु जुइगु खः धकाः अन्यौलता ब्वलंगु दु ।

सरकारया नेतृत्व यानाच्वंम्ह स्वयं एमालेया नेतातय्सं तकं आः संसदया न्हूगु अधिबेशन जुइगु इलय् पुलांगु प्रधानमन्त्रीया निर्वाचन प्रकि्रयायात निरन्तरता बिइगु जुइमखु धकाः धयाच्वंगु दुसा सरकारय् दुथ्याःगु मेगु दल नेपाली कांग्रेसं पुलांगु प्रमया चुनावयात निरन्तरता बिइगु जुइ धकाः धयाच्वंगु दु । थ्व ल्याखं स्वयेबलय् मेमेगु दलया ला खँ हे त्वःते अधिबेशन अन्त्यया निितं सिफारिस याःगु सरकारय् दुथ्याःगु मूमू निगू राजनीतिक दलया दथुइ हे व्यवस्थापिका संसदया अधिबेशनयात कयाः बिवाद ब्वलंगु दु । थथे बिवाद ब्वलंगुया मू कारण धैगु नेपाली कांग्रेस व एमालेया नेतातय्सं दीर्घकालीन सोच तयाः ज्या मयाःगुिलं नापं गथे याना ज्यू अथे यानाः माओवादीयात माईनस यायेगु कुतः याःगुिलं खः धकाः धायेफैगु अवस्था दु । उिकं यानाः कांग्रेस एमालेया नेतातय्त जक ज्यामिछंगु मखुसे स्वयं राष्ट्रपति तकं बिवादय् वःगु दु । नेपाःया इतिहासय् हाकनं छकः राष्ट्रपतिया पलाः बिवादय् लाःगु दु । थुगु खँय् स्वयं राष्ट्रपितं नं बिचाः यायेमाःगु ई वःगु दु ।

More Stories Like this