तंचायाच्वंम्ह सभामुख व राष्ट्रपतिया दथुइ भेटवार्ता

येँ (झीगु स्वनिगः)

व्यवस्थापिका संसदया अधिबेशन अन्त्य याःगुलि तं चायादीम्ह सभामुख सुवास चन्द्र नेम्वाङं म्हिगः राष्ट्रपति डा. रामवरण यादवयात नापलानादीगु दु । राष्ट्रपति या ज्याकुथिइ सनिलय् नापलाना सहलह जूगु इलय् प्रधानमन्त्रीया निर्वाचन व संसद अधिबेशनबारे सलहलह जूगु खः धकाः सभामुख नेम्वाङं संचारकर्मीतय्त धयादीगु दु । दलतय्गु दथुइ सहमतिया आधारय् संसद अधिबेशन सःताः प्रधानमन्त्री ल्यायेगु ज्या यायेगु जुइ धकाः नं वय्कलं जानकारी बियादिल ।