प्रजातन्त्रवादी नेतृ सुकीं थःथिति नापलात
याङ्गुन (एएफपी)
म्यानमारया प्रजातन्त्रवादी नेतृ आङसाङ सुकीं थः नजरबन्दपाखें मुक्त जुइधुंकाः मंगलवाः न्हापांगु खुसिइ वय्कःया काय् स्वीस्वदँया खिम अरिसलिसे नापलानाः दीगु दु । थःगु थ्यंमथ्यं नीदँया जेलजीवनलिपा वंगु नोभेम्बर १३ सं म्यानमारया जुन्ता सरकारपाखें मुक्त जुयादीम्ह वय्कलं थःथितििपंलिसे पुनर्मिलन न्ह्याकादीगु खः । वय्कःयात नापलायेत मंगलवाः वय्कःया काय् बैंककपाखें म्यानमारया राजधानी याङ्गुन थ्यंकादीगु जानकारी ब्यूगु दु । मंगलवाः हे अनया विमानस्थलय् वय्कःया ख्वीन्यादँ दुम्ह मां सुकीं पियाः च्वनादीगु खः । सुकीं थः काय् व सुं थःथितििपंलिसे मंगलवाः विमानस्थलय् नापलानाः दीधुंकाः संवाददातातलिसे धयादीगु दु - थौं जि तसकं लय्ताः ।
थः मांयात नापलानाः दीधुंकाः तसकं भावविह्ल जूम्ह काय् आरिसं नं थःगु लप्पाय् सुकीया राजनीतिक दल नेशनल लिग फर डेमोक्रेसीया चि कियातःगु टाटु क्यंगु खः । नीदँया जेल व नजरबन्दी जीवनपाखें झिन्हु न्ह्यःजक पिहांवःम्ह सुकीं थःथितििपंत नापलायेगु ज्या न्ह्यःज्यानाच्वंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
