कम्बोडियाय् सीपिनिगु ल्याः स्वसः व न्ययम्ह थ्यन

नोम्पेन्ह (एएफपी)

क्याम्बोडियाया नोम्पेन्हसं वंगु बहनी बिस्युंवनेगु झ्वलय् सीपिनिगु ल्याः स्वसः व न्यय्म्ह थ्यंगु दु । नोम्पेन्हसं न्ह्यानाच्वंगु छगू लः महोत्सवया लसताय् जूगु भागदौडया झ्वलय् उपि नागरिकत सीगु जानकारी ब्यूगु दु । उगु थासय् दच्छि छक्वः हनीगु स्वन्हुयंकया लः महोत्सवया झ्वलय् द्वलंद्वः नागरिकपिनिगु ब्वति दुगु व उगु हे झ्वलय् छगू तसकं चिब्याःगु ताँसं नागरिकिपं वनेत्यंबलय् उगु ताँ त्वःधुलाः उपि नागरिकत सीगु जानकारी ब्यूगु दु । स्वन्हुया उगु समारोहसं लिपांगु दि सोमवाः जूगु उगु झाका पोलपोटया शासनकाल लिपाया थ्व दकले तःधंगु वियोग जूगु अनं वःगु बुखँय् न्ह्यथनातःगु दु । कम्बोडियाया प्रधानमन्त्री हुन सेनं थ्व झाका तसकं ग्यानापूगु झाका जूगु धयादिसें धयादी - पोलपोटया शासन काललिपाया थ्व दकले तःधंगु दुःखद् झाका खः ।

उगु झाकाय् लानाः मेपि आपालं नागरिकिपं नं बांमलाक्क घाःपाः जूगु जानकारी ब्यूगु दु । वय्कलं वइगु बिहीबाः क्याम्बोडियां राष्ट्रिय शोकया दिकथं घोषणा यानाःगु नापं जानकारी ब्यूगु दु । उगु झाकाय् लानाः प्यसः स्वयाः आपालं नागरिक घाःपाः जूगु नं अनया सरकारी प्रवक्तां जानकारी ब्यूगु दु । वय्कःयाकथ उगु चिब्याःगु ताँया द्वलंद्वः नागरिकपिनिगु उकुसमुकुसया हुिनं थज्याःगु झाका जूगु जानकारी ब्यूगु दु ।

More Stories Like this