मजबुत एकता व क्रान्तिया विकल्प मदु : प्रचण्ड
येँ (झीगु स्वनिगः)
एकीकृत नेकपा माओवादीया नायः पुष्पकमल दाहाल 'प्रचण्डं' पार्टीया रुपान्तरण मजबुत एकता व क्रान्तिया विकल्प मदुगुलिइ बहः बियादीगु दु ।
गोर्खाया पालुङटारय् न्ह्यानाच्वंगु विस्तारित बैठकय् थःगु दस्तावेजबारे स्पष्ट यानादिसें प्रचण्डं रुपान्तरण एकता व क्रान्तिइ बहः बियादीगु प्रवक्ता दीनानाथ शर्मां जानकारी बियादीगु खः । शर्मायाकथं नायः प्रचण्डं राष्ट्रिय स्वाधिनता शान्ति व संविधानया निति संघर्ष न्ह्यःने न्ह्यायेमाःगु व लँपुइ पंगः वःसा विद्रोहसं वनेमाःगु खँय् बहः बियादीगु दु । पार्टीदुनेया अन्तरसंघर्षयात आपालं जनवादया छ्यलापाखें ज्यंकेमाःगु खँय् बहः बियादिसें वय्कलं आःया कचवं मज्यंसा महाधिवेशनय् यंकेमाःगु व अनं नं पंगः मज्यंसा जनताया दथुइ यंकाः बहस यायेमाःगु प्रवक्ता शर्मां जानकारी बियादीगु खः ।
जिम्मेवारी निर्वाहया झ्वलय् थःगुपाखें जूगु गल्तीयात स्वीकार यानाः उकियात िभंका न्ह्यःने न्ह्यायेगु प्रतिबद्धता प्वंकादिसें नायः प्रचण्डं मेमेिपं नेता कार्यकर्तातयत नं आत्मालोचित जुइत छ्याता बियादीगु दु । युवा नेतातय्त पार्टीया हरेक योजनाय् ब्वति कायेकाः यंकूसा अन्तरसंघर्षयात व्यवस्थापन यायेत नं सहज जुइगु प्रचण्डया विश्वास खः ।
