प्रतिगमनया अभिनन्दन

- राजेन्द्र महर्जन -

कवि भूपीं शहीदतय्त हाथ्या ब्युब्युं धायेगु याइ ुसिना शहीद जुईपं म्वानाः ला स्व म्वाये झन् थाकु । शहीदया म्हगस पूवंकते ल्वानाच्वंिपं म्वानाच्वंिपं शहीदतय्गु लागि नं विपना गुलि कठोर जुइ धयागु खँय् भूमिया हाथ्यां स्पष्ट याइ । जनआन्दोलनया राप व ताप ख्वाउँसे च्वनेवं वहे संघर्षया उपलब्धि व शहीदतय्गु कोसेली थः याकःचां नयेगु ज्याय् सम्भ्रान्त शासक वर्ग न्ह्याबलें तालाना वःगु नेपाली इतिहास दु । निक्वःगु गणतन्त्र दिवसया उपलक्ष्यय् राज्यपाखें जनआन्दोलनया दमनयाःपित ब्यूगु विभूषण व सम्मान थुकिया हे म्वानाच्वंगु दसि खः । संघर्ष याईपं आम जनता आन्दोलनय् घाःपाः व शहीद जुईपं आम नागरिक अले उज्वःगु संघर्षया सफलताय् मोज याईपं वहे पुलांपि सम्भ्रान्त शासक वर्ग वहे वर्गया सेवा टहल व सुरक्षाप्रति प्रतिबद्ध नोकरशाही तन्त्र । खः संघर्षया उपलब्धिया तक्मा घाईपं जुइ वहे नोकरशाहीत नापया नेतृत्व याइगु नेपाली सेनाया पूर्व सेनापतिनिसें सशस्त्र प्रहरी व नेपाल प्रहरीया बहालवाला डिएसपीत वहे संघर्षया सफलता लिसें संवैधानिक राजतन्त्रवादीत लोकतान्त्रिक गणतन्त्रवादी जूपि नागरिक उद्यमी कलाकार पत्रकारत ।

अपाय्धंगु जनयुद्ध व जनआन्दोलनलिपा नं मह्यूगु राज थःगु देशय् म्वानाच्वंिपं शहीदतय्गु विरुद्ध छलछाम व इमिगु उपलब्धिया अपहरणय् अहोरात्र कि्रयाशिल दु । गुलित धाःसा ईपं न्हापा शहीदयात भचा सम्मान घाःपाः व शहीद परिवारयात भचा उपहार इनी तर थुकिया ल्याखं उपहारया धुकू खाली यायेत लालायित दु शहीदतय्गु खेती याईपित । थुकिया हे नांगागु दसि खः जनआन्दोलनय् कलंकीइ स्वम्ह आन्दोलनकारीपित गोलीं कयेकाः स्यानाब्यूम्ह एसएसपी दुर्जकुमार राईनिसें तत्कालिन एसपी कुबेर िसंह राणा व पूर्व सेनापति रुक्मांगत कटवालयात बीगु घोषणा याःगु विभूषण । खयतला घाःपाः व शहीद परिवारया चर्को दवाब व तिब्र आलोचनाया कारण माधव नेपालया सरकार निम्ह दमनकारी सुरक्षाकर्मिपित ब्यूगु विभूषण लित कायेत बाध्य जुल । तर सरकारं पूर्व सेनापतियात सम्मानित याःगु सुकीर्तिमय राष्ट्रदीप तृतिय श्रेणी धाःसा लित काःगु मदु । जनआकांक्षाकथं मह्यूगु राज्याय मिखाय् सुकीर्तिमय राष्ट्रदीपु थें राष्ट्रिय विभूषण कायेत कटवाल प्रवृत्ति आवश्यक दु सगुन ताम्रकार प्रवृत्ति मखु । इमिगु मिखाय् कटवालं जनआन्दोलनय् याःगु दमन छुं दमनकारी बांमलाःगु ज्या हे मखु जनआन्दोलनयात हे उत्कर्षय् थ्यंकेगु ज्या याःगु सुकर्म खः ।

०६/६३ या जनआन्दोलनया राजतन्त्रया पक्षय् ल्वाःम्ह नेपाली सेनाया निगूगु परियताय् दुम्ह कटवालं याःगु ुपदीय दुरुपयोगु छु नं कथं नं दुरुपयोग मखु लोकतान्त्रिक गणतन्त्र हयेत याःगु पदया सदुपयोग खः । तत्कालिक बलाधिकृत रथी कटवालं रायमाझी आयोगं ठहरे याःगु पदीय दुरुपयोग यानाः आन्दोलनकारीिपंत याःगु दमन नं छुं हे अपराध मखु । वहे आयोग सिफारिस याःथें सैनिक ऐन २०१६ या दफा ३७ कथं कार्यवाही यायेमँःम्ह मनू नं मखु । वर्तमान सरकारया दृष्टिकोणय् कटवाल वा मेमेपिसं याःगु ज्या शान्ति सुरक्षा सम्बन्धि जिम्मेवारी इमान्दारी व कर्तव्यनिष्ट जुयाः याःगु कुकर्म खः । चाहे व गुलिखय् दमनकारी हे छाय् मजुइमाः । रायमाझी आयोगं सिफारिस यायेवंतुं आम जनतां माग यायेवं तुं इमित सजाँय बीफैमखु ईपंला पद व बढुवाया लागि सम्मान व सिरपाःया लागि योग्य सुरक्षाकर्मि खः । जनआन्दोलनलिपा स्थापित लोकतान्त्रिक गणतन्त्र कालय् कटवाल प्रवृत्तिं याःगु ज्याखँयात नं राज्ययापाखें सुकीर्तिमय राष्ट्रदीपु विभूषित जुइगु लागि याःगु योग्यता व क्षमताया प्रदर्शन जक खः । राज्यं कटवालयात पटक पटक सिरपाः बीगु पृष्ठभूमिइ दुपि उया हे मेगु पक्षत खः शाही नेपाली सेनां नेपाली सेनाया रुपय् साइनबोर्ड ह्यूगु नेपाली सेनाया लोकतान्त्रिकरण व पुनःसंरचनाया कडा विरोध यायेपुूगु माओवादी जनसेनायात नेपाली सेनाय् समायोजन यायेगु न्ह्यसलय् कडा विरोधी खँ नाला कायेफुगु अले िझंनिगू बुँदे समझदारीनिसें विस्तृत शान्ति सम्झौता व अन्तरिम संविधानय् कियातःगु शान्ति प्रकि्रयाया लँया अःखः प्रकि्रयाया मर्मया अःखःगु धुर्वय् दनेफूगु व शान्ति प्रकृयायात ग्वाहालि यायेत वःगु अनमिनयात भारतीय इच्छाकथं ख्यानाः छ्वयेगु इयान मार्टिनयात कमरेड मार्टिन धकाः हायेकेगु नं वइगु अतिरित्त खुबी खः । वइगु दकले तःधंगु सफलता खः माओवादी नेतृत्वया सरकारया बय्बय् यायेगु वइगु नीति व निर्देशनया विरुद्ध दनेगु व अन्ततः थःयात कार्यबाही यायेत बाध्य यानाः तत्कालिन प्रधानमन्त्री प्रचण्डयात हे पदच्यूत जुइत विवस यायेफूगु । थ्वहे सफलताया जगय् दनाच्वंम्ह माधव नेपालया सरकारं कटवालयात सम्मान व सिरपाः मब्यूसा सुनां बी सु गुम्हय्स्यां नेपाली गणयात गोलीं कयेकल इमिसं हे उच्चपद बढुवा व सिरपाः दैगु कुसंस्कारित सुना क्यनेफु गुम्हय्स्यां गणतान्त्रिक आन्दोलनयात पिस्तोलं कयेकाः स्यात इमिसं सहादत बाहेक छुं हे कायेगु इमिगु परिवारया प्रमाणपत्रयात त्वःताः मदैगु निगू प्यंगू हजारया सान्त्वना बाहेक छु नं कायेमखंिपं क्रुद संस्कृतियात गुगु कथं जीवन्त यानातयेफै, थुज्वःगु न्ह्यसःया लिसः खः गणतन्त्र नेपाःमि जनतायात वइगु गुिकं जनगणयात गोलीं कयेकल इमिसं जक । लोकतान्त्रिक गणतन्त्रयात नेपाली लोकतन्त्र दयेके हे मबीगु लँ दथुं हे अपहरण याःगु दु । ततःधंगु आन्दोलन व संघर्षलिपा स्थापित प्रजातन्त्र वा बहुदलीय प्रजातन्त्र नं सम्भ्रान्त शासक वर्गया थःगु वर्गीय हिट व स्वार्थ कथं लाकाकाःगु इतिहास पुलांगु जूगु दु । थौंकन्हय् वहे संघर्ष आन्दोलनया नायःतय्गु ल्हातं वहे अपहरणया इतिहासयात हाँस्यास्पद ढंगं न्ह्याकेत स्वःगु दु । लोकतान्त्रिक गणतन्त्रयात नं नेपाली जनताया ल्हाःतं लुटय् यायेगु ज्या जूगु दु ।

व सम्भ्रान्त शासकवर्गया ल्हातय् केन्द्रीत यायेत्यंगु दु । थ्व गणतन्त्र लोकतान्त्रिक गणतन्त्र दुगु खःसा सम्भ्रान्त शासक वर्गया शासन टिकय् यायेत गोलीं कयेकीम्ह मनू स्याइम्ह व दमनकारी व मिभंगु ज्या याईपंसं हे सिरपाः काइगु जुइ मखुसा गणेशमान िसंह मनमोहन अधिकारी व गिरिजाप्रसाद कोइरालाथें आन्दोलनकारी नेतातनाप रुक्मांगद कटवाल दुर्जकुमार राई व कुबेर िसंह राणा थें दमनकारी व अभियुक्तिपं नं गथे सम्मानित जुइफूगु व विभूषित जुइगु गणतन्त्र दिवसय् । मखुसा सगुन ताम्रकार बासु घिमिरे व दिपक कामीया परिवारजन सतकय् असमानित अपमानित व नारकीय जीवन म्वायेत छाय् बाध्य जुइ लोकतन्त्रय् । अले इमित स्यानाः नं पद बढुवा सम्मान व सिरपाः काईपं दमनकारी अपराधीत धाःसा गथे न्हूगु शासक वर्गया पासा व सहकर्मि जुयाच्वनी । माधव नेपालया सरकारय् वर्तमान संक्रमणकालिन इलय् पीडादायी न्ह्यसः न्यनाच्वंगु दु जनताया आन्दोलनय् दमन याःिपं व जनताया काय् म्ह्याय्िपंत स्याइम्हय्सिगु छातिइ तक्मा तयाबीगु दुष्चक्र गुलि न्हितक थथे हे न्ह्यानाच्वनीगु खः ।

More Stories Like this