कामचलाउ सरकारं यानाः राष्ट्रपति बिवादय्
स्वराज महर्जन
थःम्हं हे राजीनामा स्वीकृत यानाःगु वर्तमान कामचलाउ सरकारया सिफारिसयात स्वीकार यानाः आदेश जारी यानादीगुिलं राष्ट्रपति डा. रामबरण यादव बिवादय् वःगु दु । माधव कुमार नेपालया नेतृत्वय् दुगु वर्तमान कामचलाउ सरकारं बजेट हयेगु निितं धकाः राष्ट्रपतिया विशेषाधिकार बाधा अड्काउ फुकाउ आदेश जारी यायेत याःगु सिफारिसयात स्वीकार यानाः राष्ट्रपितं आदेश जारी यागुलि अथे राष्ट्रपति बिवादय् वःगु खः । बाधा अड्काउ फुकाउ धाःगु आदेश संविधानय् ब्याख्या मदुगु धकाः थःत ज्यािछंक याइगु आदेश खः । उगु आदेश संविधानया मेमेगु फुक्क धारासिबें च्वय् लाइगु जूगुिलं नं मनूतय्सं राष्ट्रपतिया बाधा अड्काउ फुकाउ आदेशयात कयाः बिरोध यानाहःगु खः । छगू कथं धायेगु खःसा उगु आदेश राष्ट्रपतिया अवसिस्त अधिकार खः । उज्वःगु आदेश जारी यानाः राष्ट्रपितं न्ह्याःगु नं यायेफैगु अवस्था ब्वलनी । उलि जकमखु कामचलाउ सरकारं व्यवस्थापिका संसदया अधिबेशनयात तकं अन्त्य यायेत सिफारिस याःगुयात स्वीकार यानाः राष्ट्रपितं संसदया अधिवेशन अन्त्य जूगु आदेश ब्यूगुिलं नं राष्ट्रपति बिवादय् वःगु खः ।
आः न्ह्याम्ह हे सरकारं न्ह्याःगु निितं बाधा अड्काउ फुकाउ आदेश जारी यायेत नापं ज्यामछिन धाःसा संसदया अधिबेशन तकं अन्त्य यायेत सिफारिस यात धाःसां राष्ट्रपितं उज्वःगु आदेश जारी याइगु छगू कथं नजिर जुयाब्यूगु दु । कामचलाउ सरकारया सिफारिसयात ला स्वीकार यात धाःसा आः मेमेगु कथंया सरकारया सिफारिसयात राष्ट्रपितं अस्वीकार याये मफैगु जुयाः हे थुगुसी वर्तमान माधवया सरकार नापनापं राष्ट्रपति बिवादय् वःगु खः ।
