अन्तिम इच्छा पूमवंकं हे मन्त बरिष्ठ कलाकार भुटानी
येँ (झीगु स्वनिगः)
नेपाःया नागरिकता कायेगु अन्तिम इच्छा यानादीम्ह ७८ दँया बरिष्ठ कलाकार गोपाल भुटानी म्हिगः सुथय् मन्त । नेपाःया इलामय् तामाङ जन्म जुयाः बर्मापाखें भारतया मुम्बई जुयाः हाकनं नेपालय् झायादीम्ह वय्कः भुटानीं ताःई न्ह्यःनिसें नेपाःया नागरिकता कायेगु कुतः यानादीगु जूसां अन्ततः वय्कः नेपाःया नागरिकता हे मकासे संसार त्वःताः वंगु दु । वय्कलं थःगु नांया ल्यूने भुटानी धकाः तयातःगुिलं नेपाःया नागरिकता मब्यूगु खः । नेवाःतय्गु समाजय् लोकंह्वाःगु ऐतिहासिक सँकिपाः राजमतिया कला निर्देशक तकं जुयादीम्ह भुटानी ताःई न्ह्यःनिसें क्यान्सर ल्वचं कयाः पीडित जुयाच्वंगु खः । खँय् भाय्या सँकिपाः ख्यलय् द्वन्द्व निर्देशकया रुपय् न्हापांम्ह वय्कः सँकिपाः ख्यलय् जकमखु टेलिफिल्म लिसलिसे बिज्ञापनय् तकं चर्चित जुयादीम्ह ब्यक्तित्व खः ।
विशेषतः वय्कः एकीकृत नेकपा माओवादी पार्टीया दुजः लिसलिसे अखिल नेपाल चलचित्रकर्मी संघया केन्द्रीय सल्लाहकार नं खः । बरिष्ठ कलाकार भुटानी बालाजुया जनमैत्री अस्पतालय् वासः याकुयाकुं म्हिगः मदुगु खः । वय्कःयात येँ क्षेत्र नं। १६ या छ्यााजे राजन गोतामे व चलचित्रकर्मीया मेम्ह कलाकार युवराज लामां पार्टीया ध्वाँय् फायेकाः दीगु खःसा वय्कःयात कलाकार वरिष्ठ द्वन्द्व निर्देशक राजेन्द्र खड्गीं िमं तयादीगु खः ।
