एमाले अखिलय् खनाल व ओली पक्षया दथुइ ल्वापु
येँ (झीगु स्वनिगः)
मालेया दकले प्रभावकारीकथं नालातःगु विद्यार्थी अनेरास्ववियुया केन्द्रीय कमिटीया मुँज्याय् पार्टीया नायः झलनाथ खनाल पक्षधर व स्थायी समितिया दुजः केपी शर्मा ओली पक्षधर विद्यार्थी नेतातय्गु दथुइ ल्वापु जूगु दु । म्हिगः च्वंगु उगु मुँज्याय् बैधानिकताया सवालयात कयाः कचमच जुयाः अथे निगू पक्षया दथुइ ल्वापु जूगु खः । एमालेया अनेरास्ववियुया महाधिबेशनलिपा च्वंगु केन्द्रीय कमिटीया न्हापांगु मुँज्याय् हे ल्वापु जूगुिलं उकियात मनूतय्सं अर्थपूर्ण रुपं कयाहःगु दु । एमालेया नायः खनाल पक्षधरं ओली पक्षधर अखिलया नायः माधव ढुंगेलं जबरर्जस्ती मुँज्याय् तयेत्यंगु द्वपं ब्यूगु खः । सचिवालय दुजः राधिका खतिवडां धयादिल ुवय्कलं जबर्जस्ती मुँज्या तयेत्यन जिमिसं उकियात स्वीकार मयानाः । केन्द्रीय दुजःतय्त सपथ ग्रहण हे मयाकूनीगु अवस्थाय् मुँज्याया औचित्य मदुगु खनाल पक्षधरया नेतातय्गु धापू दु । धाः कथं खनाल पक्षधरं मुँज्यायात तकं बहिस्कार याःगु दु । पार्टीया न्वकु अशोक कुमार राईं सपथ ग्रहणया निितं वयेमफयेवं ओली पक्षधरं मुँज्या न्ह्याके त्यनेवं हे कचमच जुयाः ल्वापु जूगु खः । अथे ल्वापु जुइवं आः थौं हाकनं मुँज्या च्वनेगु धकाः धाःगु दु । असोजया निगूगु वालय् जूगु अनेरास्ववियुया राष्ट्रिय सम्मेलनं उगु संगठन ओली पक्षधरं कब्जा याःगु खः । अथे ओली पक्षं अखिल कब्जाय् काःगु न्हापांगु खुसि खः ।
