न्हय्क्वःगु नमूना रनिङ शिल्ड मिजं भलिबल कासा न्ह्यात

येँ (झीगु स्वनिगः)

न्हय्क्वःगु नमूना रनिङ शिल्ड स्वनिगःव्यापी अन्तरविद्यालय मिजं भलिबल कासाय् चिल्ड्रेन गार्डेनं म्हिगः निक्वःगु खुसिइ त्याकूगु दु । उमिगु 'बी' व 'ए' टिमं त्याकूगु खः । चिल्ड्रेन गार्डेन 'बीं' ग्वसाः खलः नमूना इङलिस स्कूल सी यात २५-१७ २२-२५ व २५-१४ या ल्याखं त्याकूगु खः । चिल्ड्रेन गार्डेनया 'ए' टिमं वेस्टविङयात २५-१६ व २५-१९ ल्याखं बुकूगु खः । लुभुस्थित ग्वसाः खलःया कोर्टय् जूगु मेमेगु कासाय् साबिक त्याकामि लुभु मावि व महालक्ष्मीं नं थःथःगु कासा त्याका न्ह्यःने न्ह्याःगु दु ।

लुभंु पवन प्रकृतिया २५-११ व २५-१७ ल्याखं बुकूगु खः । अथेहे ग्वसाः खलः 'बी' विरुद्धया धेंधेंबल्लाः कासाय् महालक्ष्मी २५-१६ व २५-१८ ल्याखं त्याःगु खः । लिग कम नकआउट आधारय् जुइगु धेंधेंबल्लाः कासाय् १३ गू टिमया ब्वति दुगु खःसा धेंधेंबल्लाः कासा वइगु शनिबाःतक्क न्ह्याइ ।

More Stories Like this