एशियाड अन्तर्गतया मिजं कि्रकेटय् नेपाल त्यात

ग्वान्झाउ चीन (झीगु स्वनिगः)

चीनया ग्वान्झाउसं न्ह्यानाच्वंगु १६ औं एशियाली धेंधेंबल्लाः कासा अन्तर्गत म्हिगः जूगु मिजं कि्रकेटय् नेपाः त्याःगु दु । माल्दिभ्सयात ७५ रनं बुकूसें नेपालं क्वाटर फाइनलय् वनेगु सम्भावनायात धिसिलाकूगु दु । निगूगु चरणय् थ्यंकेगु निितं नेपालं थौं जुइगु हङकङ व माल्दिभ्सदथुइया कासा पिइमालीगु जूगु दु । हङकङं माल्दिभ्सयात यदि बुकल धाःसा ल्यू त्याकामियारुपं नेपाःया क्वाटर फाइनलय् थाय् पक्का जुइ । यदि उगु कासाय् माल्दिभ्सं त्याकल धाःसा नेट रनरेटया आधारय् त्याकामि व ल्यू त्याकामियात क्वछिइगु ज्या जुइ ।

ग्वाङ्डोन कि्रकेट मैदानय् टस त्याका न्हापां ब्याटिङ याःगु नेपालं २० ओभरय् ९ विकेट तंका एक सय २९ रन दयेकूगु खः । नेपाःया निितं विनोद भण्डारीं दकले अप्वः ३२ व कप्तान पारस खड्कां २५ रन दयेकूगु खः । अथेहे बसन्त रेग्मीं १५ शरद भेस्वाकरं १४ व पृथु बास्कोटां १० रन दयेकूगु खः । अथेहे लिसलय् माल्दिभ्सं २० ओभरय् ८ विकेट तंका ५४ रन जक दयेकेत ताःलाःगु खः । माल्दिभ्सयात म्हो स्कोरय् कःघायेगु झ्वलय् राहुल बिश्वकर्मां ३ व पृथु बास्कोटां २ विकेट काःगु खः । थुकथं हे मेहबबु आलम व शरद भेस्वाकारं छगू/छगू विकेट काःगु खः ।

More Stories Like this