सर्वोच्चया अपमानय् भारतया ल्हाः

सर्वोच्च अदालतं पशुपतिनाथया पुजारी नियुक्ति व द्यःयात छाःगु सामानया व्यवस्थापन यायेगु निितं तत्काल आयोग गठन यानाः प्रकि्रया न्ह्याकि धकाः धाःगु लांलां दतं नं उकिया कार्यान्वयन जूगु मदु । वंगु श्रावण २१ गते ब्यूगु सर्वोच्चया आदेशयात सरकारी निकायय् च्वंिपं विशेष यानाः संस्कृति मन्त्री मिनेन्द्र रिजालं अदालतया आदेश कार्यान्वयन याके मब्यूगु खनेदु । सर्वोच्चया आदेशयात कार्यान्वयन मयायेत मयाकेत भारतीय राजदूत राकेश सुदया निर्देशनकथं मन्त्री रिजालं अथे यानाच्वंगु सीदु । थ्व दक्को तारतम्म भारतयात लय् तायेकेत जुयाच्वंगु नं बांलाक हे खनेदु ।
एकीकृत नेकपा माओवादीया नेतृत्वया सरकारं पशुपतिइ भारतीय पुजारी मखु नेपाली पुजारी तयेगुया नापनापं द्यःयात छाःगु फुक्कं दर्ता यानाः पारदर्शिरुपं कोषय् दुथ्याकेमाः धाःसां भारतपरस्त मनूतय्गु षड्यन्त्रया कारणं न नेपाली पुजारीतय्त ताःलात नत द्यःयात छाःगु सम्पत्तियात हे कोषय् दुकाये फत । धार्मिक साम्प्रदायिक व्यक्ति व हिन्दूअतिवादीपिनिगु दवाब व इमिगु चलखेलं नेपाली पुजारी तयेहे मफुत ।

यथास्थितिवादीपिनिगु छगू कथंया जित नं जुल । देश व धार्मिक साम्प्रदायया दथुइ अन्तत धार्मिक परम्परावादीतय्गु हे विजय जुल । जनताया सःयात दबय् यानां त्वःतल । उगु सर्वोच्चया आदेशयात प्रभावित यायेगु धयागु भारतीय राजदूतया निर्देशनयात संस्कृतिमन्त्री मिनेन्द्र रिजालं त्वाःथले मपुूगु धयागु हे नेपाःया प्रशासन व्यवस्था भारतीय दलालतय्गु कब्जाय् दु धाःसां छुं पाइथें मच्वं । भारतीय राजदूतया निर्देशनयात हुबहु मानय् याईपं मन्त्रीतय्गु झ्वलय् प्रधानमन्त्रीनिसें परराष्ट्र रक्षा गृह जलश्रोत लगायत मन्त्रीत लानाच्वंगु दु । पशुपतिइ न्हिं लाखौं धेबा व लुँ छ्यलीगु दच्छियादुने जक करोडौं धेबाया कारोबार जुयां च्वनी । व दक्को भारतीय पुजारीिपंसं थःथवय् इनाः नयावयाच्वंगु दु । थ्व ज्या बन्द याकेमाल धकाः छगू बांलाःगु राष्ट्रभक्त सः माओवादीपाखें थ्वयेकूगु खः । येँयाबलय् नं सरकारीकोषं बियावयाच्वंगु आर्थिक ग्वाहालि पंगु हे खः । तर धर्म व संस्कृतिया नामय् थय् नये पल्कय् थूिपंसं सुधार वा संशोधन वा मारकाटयात पने चाहे मजूगु हे खः ।

भारतं नेपालय् राजनीतिकरुपं नाङ्गो हस्तक्षेप यानावयाच्वंगु ल्यू धार्मिक ख्यलय् नं हस्तक्षेप यायेत लिफः मस्वःगुया हे कारणं थथे जूगु खः । पशुपतिइ भारतीय पुजारीतय्पाखें न्हिच्छिया दुने छुं सय धेबा जक दुहां व धयाः फय्गं खँ ल्हानावयाच्वंगु दु । न्हिच्छिया द्वलंद्वः व लच्छिया लखंलख द्यःयात छाइगु धेबाय् भारतीय पुजारीिपंसं ब्रम्हलूट यानावयाच्वंगु खँ न्हापा हे प्रष्ट जुइधुंकूगु खः । पशुपतिया जात्राय् सिन्दुरया व्यापार यानावयाच्वंिपंत भारतीय पुजारीतय्त पितिने मपुूगु धयागु हे यथार्थय् भारती हस्तक्षेप विरुद्ध नेपाःमित दनेहेमाः । थनया दलाल राजनीतिक दलतय्त थासय् वयेगु स्वयाः भारतीय नाङ्गो हस्तक्षेप विरुद्धया आन्दोलन सशक्त व प्रभावयुक्त जुइमाः । भारतीय सम्मान बहिष्कार यायेमाःसां नेपाःमित लिचिलेमज्यू ।

More Stories Like this