राजतन्त्रवादीतय्सं न्हूगु दल चायेकल

येँ (झीगु स्वनिगः)

जनताया आन्दोलनया बलं नेपाः संघीय गणतन्त्रात्मक देय् जुइधुंकूगु अवस्थाय् राजतन्त्रयात हाकनं म्वाकेमाः धकाः म्हिगः सोमवाः छगू ज्याझ्वःया दथुइ न्हूगु पार्टीया घोषणा याःगु दु । राजसंस्था व नेपाःमि जनताया एकतापाखें जक न्हूगु नेपाः निर्माण यायेफै धकाः अथे न्हूगु पार्टी घोषणा याःगु खः । शरदचन्द्र दाहाल नायः जुयादीगु उगु न्हूगु पार्टीया न्वकु सुमित्रा दंगाल व ईन्द्रलाल गोल ल्यू न्वकु भरतजंग राणा व शान्ता चित्रकार मूछ्यााजे गणेश िसंखडा व प्रवक्ताय् नव पन्त च्वनादीगु दु । रिपोर्टस क्लबय् पत्रकार सम्मेलन यानाः घोषणा याःगु उगु पार्टीं लोकतन्त्रय् वःगु विकृतिया कारणं दलीय व्यवस्थाप्रति हे वितृष्णा जुयावःगु दाबी यासें जनताया आज्जु कथं प्रजातन्त्रया पलिस्था लिसे पार्टीया पलिस्था यानागु खः धकाः जानकारी बियादीगु खः ।

अथेहे अन इनाब्यूगु विज्ञप्तिइ राजसंस्थायात छुं हे कारण मदयेकं चीकूगु दाबी याःगु दु । उगु पार्टीया मूछ्यााजे िसंखडां राजसंस्था नेपाःया अभिभावक धकाः दाबी नं याःगु दु । संविधानसभाय् दुथ्याःगु राष्ट्रिय प्रजातन्त्र पार्टी नेपाल संवैधानिक राजतन्त्रयात कयाः जनमत संग्रह यायेमाः धकाः माग यानाः आन्दोलन यानाः वयाच्वंगु आःया अवस्थाय् तप्यंक हे राजसंस्थाया निितं गुगु कथं न्हूगु पार्टी घोषणायात थुकियात मनूतय्सं अर्थपूर्ण रुपं कयाहःगु दु ।