बैद्य व भट्टराईपाखें प्रतिबेदन न्ह्यब्वल

थौं प्रचण्डं न्वंवाइगु

येँ (झीगु स्वनिगः)

थौंकन्हय् तसकं चर्चाया विषय जुयाच्वंगु संविधानसभाया दकले तःधंगु राजनीतिक दल एकीकृत नेकपा माओवादीया आइतवाःनिसें गोर्खाया पालुङटारय् न्ह्यानाच्वंगु विस्तारित केन्द्रीय मुँज्याया बन्द शत्रया झ्वलय् म्हिगः सोमवाः पार्टीया न्वकुिपं डा. बाबुराम भट्टराई व मोहन बैद्य किरणं थःथःगु राजनीतिक प्रतिबेदन पेश यानादीगु खः । दकले न्हापां न्वकु भट्टराईं थःगु प्रतिबेदन न्ह्यब्वयादीगु खःसा अनंलिपा मेम्ह न्वकु बैद्यपाखें नं थःगु प्रतिबेदन न्ह्यब्वयादिसें वय्कःिपं निम्हसियां थःथःगु प्रतिबेदन न्ह्यब्वय् धुंकाः ई मगाःगुिलं थौं मंगलवाः सुथंनिसें न्ह्याइगु बन्द शत्रय् माओवादीया नायः पुष्पकमल दाहाल प्रचण्डं थःगु राजनीतिक प्रतिबेदन न्ह्यब्वयादी धकाः जानकारी ब्यूगु दु । थौं सुथय् च्याताःइलंनिसें न्ह्याइगु बन्द शत्रय् प्रचण्डं थःगु प्रतिबेदन न्ह्यब्वये धुंकाः सहलह जुइ धकाः धाःगु दु । माओवादीया उगु विस्तारित मुँज्यां देय्या राजनीतिया निितं छगू कथं न्हूगु बिचाः ज्वनाः वइ धकाः मनूतय्सं भलसा कयाच्वंगु दु ।