दक्षिण फिलिपिन्सय् बम विस्फोट

दाभाओ सिटी (सिन्ह्वा)

दक्षिणी फिलिपिन्सया छगू अशान्त शहरय् छगू बम विस्फोट जूगु खँ प्रहरीं जानकारी ब्यूगु दु । छेँय् हे दयेकातःगु उगु बम आइतवाः सुथय् मिन्दानाओया मागुइन्दानाओ शहरया पोब्लासियो ग्रामीण ईलाकाय् विस्फोटन जूगु जानकारी ब्यूगु दु । विस्फोटपाखें छगू सरकारी प्राथमिक विद्यालय व लिक्कया छगू पसलय् क्षति जूगु तर छु नं मानवीय हताहती धाःसा मजूगु नं जानकारी ब्यूगु दु । न्हापाया दँय् मे महिनाय् क्वचाःगु चुनावी कचवंया हुिनं निगू तःधंगु व शक्तिशाली राजनीतिक पार्टीतदथुइ वंगु दँया नोभेम्बर महिनाय् िहंसात्मक ल्वापु जुयाः स्वीनिम्ह पत्रकारलिसे न्यय्न्हय्म्ह मनूत सीगु व घटनाया वार्षिक स्मृति दिवस हनेत मुक्कं निन्हु न्ह्यः थ्व बम विस्फोटया घटना जूगु खः ।

मागुइन्दानाओ प्रान्तया थ्व हत्याकाण्ड अनया हाकुगु दिवसया रुपं लुमंकेगु याः । बम विस्फोटनया थुगु घटनायात प्रहरीं अनुसन्धान यानाच्वंगु दु ।

More Stories Like this