एशियाडया मिजं कि्रकेटय् नेपाल हङ्कङनापं बुत

ग्वान्झाउ चीन (झीगु स्वनिगः)

चीनया ग्वान्झाउसं न्ह्यानाच्वंगु १६ औं एशियाली खेलकुद अन्तर्गत मिजं कि्रकेटय् नेपाल हङ्कङलिसे बूगु दु । ग्वान्डुन कि्रकेट मैदानय् म्हिगः न्हिनय् जूगु कासाय् नेपाः बूगु खः । नेपाल हङकङलिसे ३० रनं बूगु खः । उगु कासा बुइवं नेपालयात सेमि फाइनलय् दुहाँवनेत थाकुइगु जूगु दु ।
त्याकेगु निितं १ सय १६ रनया लक्ष्य दुगु नेपालं ८५ रन जक दयेकूगु खः । नेपाःया निितं बसन्त रेग्मीं १५ पारस खड्कां १३ ज्ञानेन्द्र मल्लं ८ अनिलमण्डल ५ व बिनोद भण्डारीं १ रन दयेकूगु खः । मेहबुब आलमं खाता हे चायेके मपुूगु खः ।

थ्व स्वयाः न्ह्यः टस त्याकाः ब्याटिङ याःगु हङकङं २० ओभरय् ७ विकेट तंकाः १ सय १५ रन दयेकूगु खः । कि्रकेटया धेंधेंबल्लाः कासा नेपालं थौं माल्दिभ्सलिसे म्हितीगु जूगु दु ।

More Stories Like this