येँय् नेपालभाषा स्यनाकुथिया उलेज्या

येँ (झीगु स्वनिगः)

नेपाल आदर्श माध्यमिक विद्यालय गणबहाःसं आइतवाः सुथय् नेपालभाषा स्यने ज्याकुथिपाखें न्ह्याकूगु नेवाः भाय् स्यनेगु तिगं संस्थाया नायः डा.महेशमान श्रेष्ठं उलेज्या यानादीगु दु । उगु उलेज्याय् हनेबहःिपं भाषासेवी व नेवाः न्ह्लुवाःपिनिगु ब्वति दुगु खः । मुँज्या न्ह्याकामि स्यनामि गुथिया दुजः मदनसेन बज्राचार्यं यानादीगु खः । ज्याझ्वलय् लसकुस प्रेमहिरा तुलाधरं यानादीगु खःसा िभंतुना देछाय्गु झ्वलय् यक्वः न्ह्यः थुगु तिगं चायेकेमाःगु खः तर आः वयाः जूसां थुगु तिगं चायेकूगु यात लसतां जाःगु खँ न्ह्यथनादीगु खः । भाषाया क्षेत्रय् स्वंगू भाषाया नीति जुइमाःगु खँ नापं वय्कलं न्ह्यथनादीगु खः । अथेहे िभंतुना देछाय्गु झ्वलय् नेवाः देय् दबूया नायः नरेश ताम्रकारं खँय् भाय्यात माध्यम भाय् यायेगु कुतः जुयाच्वंगु खँयात कयाः कुंखिनादिसें आः वयाः प्लस टूसं नेपालभाषा ब्वने मदयाच्वंगु यात दयेकेमाःगु खँ नापं न्ह्यथनादीगु खः । अथेहे न्हूदँ समारोह समितिया नायः विपेन्द्र महर्जनं आःया इलय् तसकं बांलाःगु पलाः न्ह्याकूगु खँय् लसता प्वंकादिसें सुभाय् नापं बियादीगु खः ।

नेपाल आदर्श माविया प्रध्यानापक बरुण प्रसाद वैद्यजुं नेपालभाषा तिगं ज्या सुथांलाय्माः धकाः िभंतुना देछायादीगु खः । अथेहे ज्याझ्वःया सभा नायः डा.महेशमान श्रेष्ठं थ्व महानगरपालिकाया भाषा उत्थान समिति व सर्वदलीय समितिपाखें ग्वाहालि यानादीगु खँ नापं वय्कलं जानकारी बियादीगु दु । ताःईतक्क तिगं न्ह्याकेगु निितं संविधानय् भाषा समानतायात दुथ्याकेमाःगु खँय्यात बहः बियादीगु दु । जानकारी बियादीकथं थुगु संस्था स्वदँ न्ह्यः नीस्वंगु खः स्वदँलिसे आःतक्कया नीनिगू स्कूलय् प्राइमरी तिगं स्वंगू तिगंतक्क ब्वंकेगु ज्या जुयाच्वंगु दु । थ्व संस्था पलिस्था जूगु इलय् स्वम्ह जक दुगु खःसा डा.महेशमान श्रेष्ठ कृष्णभक्त मानन्धर व मदनसेन बज्राचार्यिपं च्वनाः नीस्वनादीगु खः । थुगुसी ११३० दँया न्हूधाःसं भाजु विकासभक्त श्रेष्ठ गोर्की श्रेष्ठ प्रेमहिरा तुलाधर व बसन्त ताम्रकारिपंत दुथ्याका न्हूधाः याःगु खः । उगु न्हूधाः लिपा तिगं न्ह्याकेगु ज्या नं जूगु जानकारी ब्यूगु दुसा स्यनामििपंकथं कजि मदनसेन बज्राचार्य सुवर्णमान तुलाधर विष्णु चित्रकार प्रेमहिरा तुलाधर व निर्मल बज्राचार्यिपंसं स्यनादीगु नं जानकारी ब्यूगु दु ।