विश्वया ध्यान माओवादी बैठकप्रति

नेपाःया कम्युनिष्ट आन्दोलनया न्ह्यलुवाः व देशया दकले तःधंगु दल एकीकृत नेकपा माओवादीया विस्तारित बैठकप्रति सकसिगु ध्यान केन्द्रित जुयाच्वंगु दु । कम्युनिष्ट आन्दोलनप्रति सकरात्मक मिखाबीिपं जक नकारात्मक दृष्टिकोणं स्वयाः नागःतुगः याईपंसं नाप माओवादीया विस्तारित बैठकय् छु जुइ स्वम्ह नेतातय्गु प्रतिकि्रया दु जुइ व बैठकलिपा माओवादी छु गुगु ख्वालं पिहांवइ - उत्सुक द्वलंद्वः जक मखु लाखौं करोडौं मिखातय्सं पियाच्वंगु दु स्वयाच्वंगु दु । नेपाःया कम्युनिष्ट पार्टी व कम्युनिष्ट आन्दोलनया नामं जक मखु विश्वय् न्हूगुकथंया क्रान्तिप्रति हे न्हूगु अवधारणा व न्हूगु कथंया तौर तरिकां कम्युनिष्ट आन्दोलन न्ह्याकेगु ऐतिहासिक जिम्मेवारी एकीकृत नेकपा माओवादीं कायेगु जमर्को याःगु दु । पुलांगु कथंया कम्युनिष्ट क्रान्ति आः सम्भव मदु । रुसय् अक्टुबर क्रान्ति व चीनय् माओ नं याःगु क्रान्ति थें नेपालय् सम्भव हे मदु । क्रान्ति ला यायेहेमाःगु दु तर छु गुगुकथं न्ह्यसः दनावयाच्वंगु यात माओवादीया विस्तारित बैठकं स्पष्ट यायेगु कुतः जुइ ।

माओवादी दुने जुयाच्वंगु बहस व छलफलयात कयाः नेपाःया संसदीय राजनीतिक पार्टी व प्रतिकि्रयावादी यथास्थितिवादीिपंसं थःथःगु हे ताःलां मूल्यांकन यायेगु ज्या यानाच्वंगु दु । आन्तरिक बहस व छलफलयात पार्टी निितं छगू सुदृढिकरण व विकासया निितं छगू तःधंगु अवसरकथं खः धकाः लोमंकाः वा माओवादी नं आः गुट उपगुटय् विभाजित जुइगु जुइधुंकल । आः माओवादी नं मेमेगु संसदीय पार्टीइ रुपान्तरण जुइ संविधान व सरकारया निर्माण प्रकि्रयाय् अलमलय् जुइ आदि इत्यादी खं बजारय् चर्चा परिचर्चां क्वानाच्वंगु दु । थुज्वःगु स्थितिइ जुयाच्वंगु विस्तारित बैठकं आम जनताया आशा व आकांक्षायात सम्बोधन याइगु खँय् शंका मदु । आम नेपाःमि जनतां नेपालय् परिवर्तन वइगु खँय् विश्वस्त जुइफयाच्वंगु मदु । नेपालय् वःगु परिवर्तनयात पलाः पलाःपति रोके यायेगु ज्या जुयाच्वंगु दु । शान्ति व संविधान दयेकेगु ज्याय् सन्तोषजनक ढंगं न्ह्यःने वनाच्वंगु मदु । गणतन्त्रयात व्यवस्थित यानाः लोकतान्त्रिक संघीयताया विषयलय् नं अलमलय् यानाः किचलो पिकायेगु ज्या जुयाच्वंगु दु । परिवर्तनया संवाहक देशया दकले तःधंगु पार्टी माओवादीयात सरकारं पिने तयाः याकः बुकः यायेगु ज्या जुयाच्वंगु स्थितिइ जुइत्यंगु विस्तारिक बैठकं एकता रुपान्तर व एकताया सन्देश ज्वनाः नेपाली जनतायात भविष्यया सुनिश्चित लँपु क्यनेगु कुतलय् विस्तारित बैठक ताःलाइगु हे खनेदु ।

वर्तमान राजनीतिक परिवेशं स्पष्ट धयाच्वंगु दु - शान्तिपूर्ण ढंगं थन छुं यायेमफु । लोकतन्त्रया दक्को मूल्य मान्यतायात टुकुचाया ध्वांग पुइगु ज्या जुयाच्वंगु दु । चुनाव प्रकि्रयां वयेमफुिपं भगौडा व हरुवािपंसं सरकार न्ह्याकाच्वंगु दु । जबकि सरकार चलय् यायेगु जिम्मा ला दकले तःधंगु पार्टीयाःगु खः । तर दकले तःधंगु पार्टीयात सरकारं पिने तयाः लोकतन्त्रया खिल्ली उदय् यानाच्वंगु दु सतकया दथुइ तयाः संसदीय दलतय्सं लिलाम यानाच्वंगु दु । थुगु परिस्थितिइ शान्ति व संविधान निर्माण प्रकि्रयाय् तःधंगु अवरोध वयाच्वंगुला दहे दु नापनापं थौं तक्कयादुने ल्हातय् वःगु लबः नं छुं नं इलय् तनेफु लाका यंकेफु । बैठकं अपूर्ण क्रान्तियात पूर्ण यायेगु लँपु क्यनीगु निश्चित खः ।

More Stories Like this