माओवादीया असाधारण खुक्वःगु केन्द्रीय विस्तारित मुँज्या न्ह्यात

मुलुकय् महाविपत्तिया संकेत : प्रचण्ड

येँ (झीगु स्वनिगः)

एकीकृत नेकपा माओवादीया नायः पुष्पकमल दाहाल प्रचण्डं मुलुकय् महाविपत्तिया संकेत खने दयाच्वंगु दु धयादिसें उकिया विरुद्ध पार्टीदुने फुक्क बिचारयात छप्पँ छधी यानाः पिहां वयेगु जुइ धकाः धयादीगु दु । माओवादीया म्हिगः आइतवाःनिसें न्ह्याःगु खुक्वःगु विस्तारित केन्द्रीय मुँज्याया उलेज्या समारोहलय् न्वंवासें नायः प्रचण्डं अथे धयादीगु खः । गोरखाया पालुङटारय् जूगु उगु समारोहलय् न्वंवासें वय्कलं थःिपं मुँज्यां छप्पँ जुयाः पिहां वनेगु जुइ धयादिसें माओवादीया नायः प्रचण्डं धयादिल झीिपं विस्तारित मुँज्यां पिहां वनेगु इलय् विजयी जुयाः वनेगु जुइ प्रतिक्रान्तिकारीयात पराजय यायेगु शक्तिनापं ज्वनाः वनेगु जुइ ।

प्रतिक्रान्तिकारीतय्सं जनयुद्ध व जनआन्दोलनया उपलब्धी अपहरण यायेत कुतः यानाच्वंगु जूगुिलं थःिपं विभाजित जुयाः मखु थप बल ज्वनाः विजयया निितं न्ह्याः वनेगु जुइ धयादिसें वय्कलं धयादिल ुथ्व विस्तारित मुँज्या असफल जुइमा धकाः प्रतिक्रान्तिकारीत जुयाच्वंगु दु । सही विचारं जक सही नेतृत्व वइ । सुगौली सन्धीनिसें हे नेपाः अर्धउपनिवेशय् कायम जुयाच्वंगु दु धासें विदेशी हस्तक्षेप नं कायम हे जुयाच्वंगु धयादिल । माओवादीया नायः प्रचण्डं नेपाःया भौगोलिक अखण्डता जोगेयाना आत्मनिर्णय नापंया राज्य कायम यायेगु खँय् मुँज्याय् सहलह जुइ धकाः नं धयादिल । आः तकया उपलब्धीया रक्षा यायेत जक मखु नेपाःमि जनताया भावना व आकांक्षा कथं माओवादी पार्टी न्ह्याः वनी धकाः नं वय्कलं दावी यानादिल ।

उगु उद्घाटन समारोहलय् लसकुस न्वचु बियादिसें माओवादीया छ्यााजे सीपी गजुरेलं आःया अवस्थाय् वर्ग संघर्ष चरम उत्कर्षय् थ्यंगुिलं आः माओवादीयाके निगू जक लँपु ल्यं दनी धकाः धयादिल । वय्कलं विजयया लँपुइ वनेगु ला कि पराजयया लँपुइ वनेगु धैगु निपु जक लँपु ल्यं दनिगु जुयाः विजय यायेत कार्यक्रम दयेकेगु निितं विस्तारित मुँज्या यानाच्वनागु खः धयादिल । नेता गजुरेलं माओवादी त्याइगु जूसां थःगु आन्तरिक कारणं जनता नाप वनाः हे त्याइ अले बुइगु जूसां आन्तरिक कारणं हे बुइगु जुयाः थ्व इलय् जनतायात त्याकेत क्रान्तियात केन्द्रविन्दु दयेका न्ह्याः वनेमाःगु ई वःगु दु धकाः नं धयादिल । जनताया हक अधिकारया निितं ल्वायेत तयार जुइमाः धकाः नं वय्कलं बहः बियादिल ।
ज्याझ्वः माओवादीया मूछ्यााजे रामबहादुर थापा बादलं न्ह्याकादीगु खः । वय्कलं असाधारण कथंया विस्तारित मुँज्यां पार्टीयात छप्पँ छधी याइ धकाः नं दावी यानादिल । विस्तारित मुँज्याया झ्वलय् स्वम्ह हे नॆतात नायः प्रचण्ड न्वकुिपं मोहन बैद्य किरण व डा। बाबुराम भट्टराईया राजनीतिक प्रतिवेदनयात कयाः सलहल जुइ धाःगु दु । थौं सोमवाःनिसें जुइगु बन्द शत्रय् थ्यंमथ्यं खुद्वःम्ह माओवादीया नेता व कार्यकर्तातय्सं ब्वति कयादी ।