लःया ट्यांकी छेँ दुनेफु

हालै पूर्वी दिल्लीया लक्ष्मीनगरय् प्यतँ जाःगु छेँ दुनाः अन बालं च्वनाच्वंिपं खुइखुम्ह सितसा सत्याति मनूत बांमलाक्क घाःपाः जूगु घटनां पुलांगु छेँत सुरक्षित मदुगु व विशेष यानाः जगय् लः वनीगु व जगय् लः मुनीगु छेँत सुरक्षित मदुगु खं सर्वसाधारण मनूतय्गु ध्यान सालाकाःगु दु । िझंन्यादँ पुलांगु उगु प्यतँ जाःगु छेँया जगय् ताः इलंनिसें लः दुहाँवनाः मुनेगु यानाच्वंगु खँय् छेँ थुवाः व अन च्वनाच्वंिपं ६० परिवारया सलं सः मनूतय्सं वास्ता मयाःगु हे कारणं उगु छेँ दुनाः उगु दुःखद् घटना जूगु खः । उज्वःगु घटनात नेपालय् नं मजुइ धकाः धायेथाय् मदु । छाय्धाःसा शहरी ईलाकादुने हरेक छेँय् अण्डरग्राउण्ड लःया त्यांकी दयेकेगु यानावयाच्वंगु दु । उकिसनं लः अप्वः न्ह्यंकेगु लोभं मनूतय्सं ततःग्वःगु ट्यांकी दयेकेगु यानावयाच्वंगु दु । थुिकं यानाः छेँया मू भाग जगयात कमजोर यानाबी व छन्हु मखु छन्हु दिल्लीया हे घटना दोहरे जुइफु ।
थौंकन्हय् शहरी ईलाकादुने जग्गाया अभाव व तसकं थिके जूगु कारणं म्हो जग्गाय् अप्वःयासें अप्वः सुविधा कायेगु उद्देश्यं छेँ नं ततः जाः यानाः दनेगु व छेल्लीयात सामान्यरुपं त्वःतेगु पलेसा छेँया जग लाइगु थासय् ततःग्वःगु ट्यांकी दयेकेगु यानावयाच्वंगु दु । न्हू न्हूगु छेँ दनीिपंसं थाय्या अभावं अण्डरग्राउण्ड लः ट्यांकी नं मदयेकी मखु । उकिसनं थाय् व जगयात वास्ता हे मयासे जथाभावी लःया ट्यांकी दयेकेगु याइ ।

ट्यांकी दयेकेबलय् नं भचा ज्या चलय् यायेगु ढंगं ट्यांकीया पःखाः दयेकेगुिलं लिपा वनाः लः ज्वयाः छेँया जगय् लः वनेगु याइ । तःदँलिपा लखं उगु छेँया जग कमजोर यानाबी व उगु छेँ छु नं इलय् दुनेफु । येँया छुं छुं थासय् थ्व समस्यात खनेदये धुंकूगु दु । ट्यांकी दयेका तःपिनिगु विशेष यानाः ततःग्वःगु ट्यांकी दयेका तःपिनिगु छेँय् समस्यात खनेदुगु दु । ट्यांकि जायेक लः तयेगु प्यदँलिपा छेँया जःखः जा प्यानावनेवं छेँथुवाःतय्सं चिउताः कयाः उगु दयेकातःगु ट्यांकी छ्यलेगु बन्द यायेवं जःखःया बँ मप्याःगु खनेदु ।

ट्यांकी दयेकेबलय् मनूतय्सं जगया सुरक्षायात कयाः चिउताः कयाच्वंगु खनेमदु । छेँ दयेकीिपं इन्जिनियरिपंसं नं जथाभावी ट्यांकी दयेकेगु स्वीकृति बियावयाच्वंगु दु । जगय् लः वनेफुगु सम्भावनाप्रति ध्यान बियावयाच्वंगु मदु । जग्ग्ाया फैलावतकथं गपाय्ग्वःगु ट्यांकी दयेकूसा उपयुक्त जुइ धयागु खँय् नं ईपं मौन दु । थुलि जक मखु जथाभावी ट्यांकी दयेकीगु कारणं उगु छेँ जकमखु जःखःया छेँयात नकारात्मक प्रभाव त्वःतीगु इन्जिनियरपिनिगु धापू दु । लःया ट्यांकी दयेकेबलय् म्होिनं जग स्वयाः २ मिटर तापाय्माः व ट्यांकी नं चाकलायेमाः । थथे जुलधाःसा ट्यांकी नं बल्लाइगु व ताःतक्क बल्लाइ । पुलां पुलांगु तुँ बल्लाःगुया कारण नं थ्वहे खः । अथेहे ट्यांकीया जाः स्वयाः छेँया जगय् जाः ४ मिटर अप्वः कुहां वनेमाः । अथे मजूसा ट्यांकीं जगयात प्रभावित याइ ।

छगू अध्ययनकथं राजधानीया अधिकांश छेँय् दयेकातःगु ट्यांकी ग्यानापु । ट्यांकी दयेकेगु खँय् सरकारं छुं नं मापदण्ड दयेकातःगु नं मदु । यम्हय्सिया यत्थे ट्यांकी दयेकेगु यानावयाच्वंगु दु । विज्ञानया दृष्टिं नं तसकं हानिकारण थुज्वःगु ट्यांकी लिपा सफा यायेत नं थाकुइगु खनेदु । कार्बनदाइअक्साइड व कार्बन मोनोडाइअक्साइड थेंया घाटक ग्यासया उपस्थिितं ट्यांकी सफाइ याइबलय् तकं तःधंगु दुर्घटनाया सम्भावनात दयाच्वनी । थ्व बाहेक छगू ट्यांकीया सतह नापं च्वंपिनिगु मेगु ट्यांकीया सतह नं मिलय् यायेमाः । मखुसा जगय् लखं प्रभावित याइ । ट्यांकी दयेकेगु खँय् जःलाखःलाया स्वीकृति कायेमाःगु व ततःधंगु हाउजिङ्ग कम्पनीं जःखःया छेँया बिमा यानाबीमाःगु बाहेक सरकारीस्तरं खास नियम धाःसा दयेकूगु मदुिन । थुकिया निितं ट्यांकी चिचीधंगु जक दयेकेगु हे दकले बांलाःगु उपाय जुइ ।

More Stories Like this