कामचलाउ सरकारं अध्यादेशया माध्यमं न्हूगु बजेट

सरकारया जबरजस्ती पनेगु कुतः

येँ (झीगु स्वनिगः)
एकीकृत नेकपा माओवादीया न्वकु नापं संसदीय दलया उपनेता नारायणकाजी श्रेष्ठ प्रकाशं सरकारया जबरजस्ती पनेत कुतः जूगु इलय् व्यवस्थापिका संसदय् कचमच जूगु खः धकाः धयादीगु दु । म्हिगः शनिवाः एकीकृत माओवादीया िसंहदरवारय् च्वंगु संसदीय दलया ज्याकुथिइ पत्रकार सम्मेलन यानाः नेता श्रेष्ठं अथे धयादीगु खः । सरकारं बलजस्फ्ती कथं कुतः याःगुिलं घ्वातुघ्वाना अथे सामान्य ल्वापुया अवस्था ब्वलंगु खः धकाः नं धयादिल । वय्कलं उगु घटनायात कयाः कारबाही यायेमाः धकाः छुं छुं नेतातय्सं खँ न्ह्यथनाच्वंगु खँ पिकासें दकले न्हापां असंवैधानिक ज्या याइम्ह सरकारयात कारवाही यायेमाः धकाः धयादिल । कामचलाउ सरकारया सिफारिस यानाः राष्ट्रपतियात सकि्रय यायेगु कथं राष्ट्रपतिया विशेषाधिकार अर्थात बाधा अड्काउ फुकाउ आदेशया आधारय् बजेट हयेत्यंगुिलं शुक्रवाः उगु प्रकि्रयां गुगु नं हालतय् बजेट हयेके मबिइगु झ्वलय् अथे कचमच जूगु खः ।

थ्वहे झ्वलय् माओवादीया नायः पुष्पकमल दाहाल प्रचण्डं शुक्रवाः संसदया घटनायात कयाः म्हिगः शनिवाः राष्ट्रपति डा. रामवरण यादवयात नापलानादीगु खः । थ्वहे झ्वलय् वर्तमान कामचलाउ सरकारं म्हिगः शनिवाः अध्यादेशया माध्यमं आर्थिक दँ २०६७/६८ या निितं ३ खर्ब ३७ करोड तकाया बजेट हःगु दु । िसंहदरवारया राष्ट्रिय योजना आयोगया हलय् अर्थमन्त्री सुरेन्द्र पाण्डें न्ह्यब्वयादीगु कूल विनियोजन बजेट मध्ये चालू खर्च ५६ दशमलब ३ प्रतिशत पूँजीगत खर्च ३८ दशमलब ३ प्रतिशत अले साँवा भुक्तानी ५ दशमलब ४ प्रतिशत प्रस्तावित याःगु दु । अर्थमन्त्रीं न्ह्यब्वयादीगु उगु बजेटय् खास हे न्हूगु ज्याझ्वः वःगु मदु पुलांगु हे ज्याझ्वःयात निरन्तरता ब्यूगु दु ।