मदागास्कारया सरकार क्वःदःगु दाबी

आन्टानानारिभो (एएफपी)

मदागास्करय् सैनिक परिषद् वर्तमान निर्वाचित सरकारयात निलम्बन याःगु दाबी याःगु दु । देय्या जनतातय्सं संवैधानिक जनमत सङ्ग्रहलय् ब्वति कयाच्वंगु हे इलय् म्हीगनिसें हे वर्तमान सरकार विघटन जूगु दाबी याःगु खः । छुं दँनिसें राजनैतिक अस्थिरता दुगु थुगु देशय् सन् २००९ या मार्चय् जनरल नोएल राकोटोनान्ड्रासानाया नेतृत्वय् तःधंगु सैनिक विद्रोह न्ह्यानाः तत्कालिन सरकारपाखें सेनां सत्ता लाकाः थःगु ल्हातय् कायेगु कुतः याःगु उगु इलंनिसें हे आंशिक सैनिक शासन लागू जुइधुंकाः थौंकन्हय् वयाः निर्वाचित सरकारया फुक्क निकाय लगायत गुलिखय् सरकारी संस्था नापं पुरा हे निलम्बन याःगु व सैनिक परिषद् सरकारी निकाय व संस्थानत साचालन यायेगु घोषणा याःगु दु ।

तर निर्वाचित नेता एन्ड्रीराजोलिना थुगु खँ मानय् जुइत तयार जूगु मदु सरकारं थःगु जिम्मेवारी यथावत् बहन यायेगु व बदमासी याईपं उपर नियमकथं कारबाही यायेगु वय्कलं धयादिल । सैनिक विद्रोहबारे मन्त्री परिषद्य् गम्भीर सहलह जूगु व छु कारबाही याइगु उगु खँ नं क्वछिइगु जानकारी ब्यूगु दु । राजधानीया उत्तरय् दुगु थःगु निवासलिक्कया निर्वाचन केन्द्रपाखें साचारमाध्यमया दथुइ न्वंवासें सेनां थःत स्यायेगु धम्की ब्यूसां नं राजीनामा मयायेगु खँ नं वय्कलं धयादिल । प्राकृतिक स्रोतं धनी थुगु अपि्रुकी देशय् सेना प्रहरी नेता लिसे मेमेगु सरकारी संयन्त्रदथुइ मनमुटाव कायम जुयाः सिङ्गो देय् हे दुर्घटनापाखे उन्मुख जूगु जानकारी ब्यूगु दु ।

More Stories Like this