उपाधिया नितिं पुलिस व एपिएफ ल्वाइगु

येँ (झीगु स्वनिगः)

नेपाःया राष्ट्रिय लिग च्याम्पियन नेपाल पुलिस क्लब येँ मोरङया विराटचोकय् न्ह्यानाच्वंगु निक्वःगु पिएलओ के बि आर यु कन्दङ्वा रनिङ फुटबल धेंधेंबल्लाः कासाया फाइनलय् दुहाँ वंगु दु । म्हिगः जूगु लिपांगु सेमि फाइलनय् पुलिसं विर्ता युथ क्लब झापायात १ - ० या गोल अन्तरं बुकेवं फाइनलय् दुहाँ वंगु खः । पुलिसं उपाधिया नितिं शनिबाः सशस्त्र प्रहरीया एपिएफ क्बललिसे ल्वाइगु जूगु दु । कासा न्ह्याःगुया १५ औं मिनेटय् पुलिसया भोला सिलवालं थ्वाःगु कनर्र किकयात दिपेन्द्र पौडेलं हेडमार्फत् गोल यानाः पुलिसयात १ गोलया अग्रता ब्यूगु खः ।

झापाया योगेश गुरुङ व आजाद प्रधानं आपालं गोल यायेगु ह्वःताः तंकेत बाध्य जूगु खः । कासाया म्यान अफ द म्याच समेत झापाया गोलरक्षक मिन बस्नेतयात घोषित याःगु खः । सगरमाथा युग क्लब इन्द्रपुर विराटचौकं धेंधेंबल्लाः कासाया ग्वसाः ग्वयादीगु जानकारी नापं ब्यूगु दु ।

More Stories Like this