दीक्षान्त समारोहलय् खुद्वः विद्यार्थीपिं
किपू (झीगु स्वनिगः)
त्रिभुवन विश्वविद्यालयया ३६ औं दीक्षान्तय् पाँच हजार ५६७ म्ह विद्यार्थी ब्वति काइगु जूगु दु । दीक्षान्त समारोह थ्वहे मङ्सिर ७ गते त्रिविवि किपूया दीक्षान्त मण्डपय् जुइ । त्रिभुवन विश्वविद्यालयपाखें स्नातक स्नातकोत्तर एमफिल लिसे विद्यावारिधी तह उत्तीर्ण याःपिं विद्यार्थीतय्सं ब्वति काइगु उगु समारोह सम्बन्धी तयारी पूवने धुंकूगु त्रिवि परीक्षा नियन्त्रण ज्याकुथिं जानकारी ब्यूगु दु । त्रिवि परीक्षा नियन्त्रण ज्याकुथिया पूर्व सूचंकथं असोज ७ गतेदुने नियमकथं दीक्षान्त फाराम जायेकूपिं थीथी तहया विद्यार्थीतय्त ब्वति कायेकीगु सहपरीक्षा नियन्त्रक कृष्णप्रसाद आचार्यं जानकारी बियादिल ।
दीक्षान्त समारोह युनिभसर्टी अफ कोलम्बोया उपकुलपतिया मूपाहाँ सुइ जुइगु नापं जानकारी ब्यूगु दु । दीक्षान्त समारोहलय् ब्वति कायेकेत फिइकीगु दीक्षान्त वसः कायेत म्हिगः सुथंनिसें हे परीक्षा नियन्त्रण ज्याकुथिइ विद्यार्थीतय्गु हूल मुंगु खः ।
