पर्यटकतय्त लसकुस

रसुवा (झीगु स्वनिगः)

उत्तरी रसुवाया वृद्धिमया सर्वसाधारण पर्यटकतय्गु लसकुसया निितं व्यग्र प्रतिक्षाय् च्वनाच्वंगु दु । नेपाल पर्यटन दँया झ्वलय् वईपं पर्यटकतय्त गामय् सुविधायुक्त होमस्टे या व्यवस्थाया लिसलिसे थीथी साँस्कृतिक ज्याझ्वः ग्वसाः ग्वयेत थःिपं तयार दुगु पर्यटन व्यवसायी तेन्जेन शेर्पां धयादिल । तामाङ संस्कृति भेषभुषा व जैविक विविधताया स्थल वृद्धिम व खाम्जिङय् दँय्दँसं पर्यटकतय्गु हूल मुनेगु यानाच्वंगु दु । थ्वहे दथुइ जिल्लाया शान्ति सुरक्षाया स्थितिइ क्रमिकरुपं सुधार जुयाः वयाच्वंगु सुरक्षा निकायया अधिकारीतय्सं धयाः वयाच्वंगु दु । द्वन्द्वकालय् स्थानान्तरण जूगु प्रहरी चौकीया पलिस्थाया लिसलिसे सुरक्षास्थिति सुदृढ जूगु खः । लाङटाङ टिमुरे स्याप्रुबेसी थुमन चिलिमे हाकू डाँडागाउँ वेत्रावती धैबुङ व पाच्र्याङय् चौकी पुनःस्थापना याःगु खः ।

More Stories Like this