सत्ता साझेदारीइ चक्रीय प्रणाली

शान्ति व संविधानया विषयलय् विवादीत खँ मिलय् यायेगु उद्देश्यं दयेकातःगु उच्चस्तरीय कार्यदलय् सत्ता साझेदारीया खँय् चक्रीय प्रणालीपाखे वनकि सहमति जुइगु सम्भावना न्ह्यःने वःगु दु । विहीवाः च्वनीगु मुँज्याय् थुगु विषयलय् सहमति जुइगु तःधंगु सम्भावना न्ह्यःने वयाच्वंगु दु । एमालेया नेतृत्वय् न्ह्यानाच्वंगु सरकारय् नेपाली कांग्रेसं मू मू मन्त्रालयत ल्हातय् लाकातःगु दु । आः वयाः यदि नेतृत्व कांग्रेसयात बिल धाःसा सत्ता साझेदारीइ चक्रीय प्रणालीकथं न्ह्याःवनेत नेपाली कांग्रेसं सहमति क्यनीगु तःधंगु सम्भावना दु । चक्रीय प्रणालीकथं आःया संक्रमणकालिन इलंनिसें मेगु चुनाव मजूतले स्वंगू ब्वय् थलाः छसिकथं कांग्रेस - माओवादी व एमालेयात सरकारया नेतृत्व याइ । तर थन कांग्रेस - एमालें गुलित इमान्दारीता क्यनीगु खः व धाःसा स्वये ल्यं हे दिन । अथेला संविधानसभाया दकले तःधंगु दलया नातां जक मखु वर्तमान राजनीतिक विषयवस्तु हे माओवादीया विषयवस्तु जूगुिलं न्हापांगु नेतृत्वया दाबी माओवादीं यायेमाःगु खः । तर विस्तारवादी भारत थुकिया निितं तयार मदु धायेमात्रं - थुिपं कांग्रेस - एमालेत छुं देशया चि नयाः राजनीति यानाच्वंगु धयागु खँया विषयलय् मस्यूिपं धयागु दहे मदु । तर सहमति दयेकाः अग्रगमनया लँपुइ न्ह्याःवनेगु खःसा माओवादीं यक्को खँय् थःिपं लिहाँवनाः नं सहमति यायेत तयार हे खनेदु । न्ह्याक्को हे विवाद व शंका उपशंकात ल्यंदनिसां सहमतिया राजनीितं अन्त्य यायेगु निितं थुगु खँ ग्वाहालि नं मयाइ मखु ।

वर्तमान संक्रमणकालयात स्वब्व थलेगु ज्या जुइत्यंगु दु । छब्व शान्ति प्रकि्रया व संविधान निर्माण निब्व निर्वाचनया तयारी व स्वंगूगु ब्व निर्वाचन याकेगु कथं जुइ । थुकी निगूगु ब्व अर्थात निर्वाचनया तयारीया ब्व माओवादीयात बीत कांग्रेस व एमालें सहमति बीगु तःधंगु सम्भावना दु । थुकी विस्तारवादी भारतं गुगुकथं पलाः च्वयेकी धयागु सीमदुिन । स्वंगू दलया सहमतिलिपा माओवादीयात सरकारया नेतृत्व बीमालीबलय् भारतं छु गुकथं काइ व कांग्रेस - एमालें गुज्वःगु प्रतिकि्रया जुइ धयागु खँय् क्वछिनाः धायेफैगु अवस्था मदु । ताक परे तिवारे नत्र गोतामे या दलाल प्रवृत्ति चरित्रया कांग्रेस - एमाले - माओवादीया पालय् त्वहमदु त्वह तयाः न्हू दिल्लीया ल्यू ल्यू वनकि छु जुइ सहमति याःथें कांग्रेस - एमालें ला इमान्दारिता क्यनेहे माल । तर इमान्दार जुयाः न्ह्यःने वइलाकि बेइमान जुयाः दं वइ - थ्व धाःसा प्रतिक्षाया विषय जूवंगु दु ।

More Stories Like this