संसद घेराउ यायेगु चिचीधंगू दलया ख्याच्वः

संविधान संशोधनयात कयाः विवाद

येँ (झीगु स्वनिगः)
कामचलाउ सरकारं बजेट हयेगु निितं संविधान संशोधन यायेत राष्ट्रपति डा. रामवरण यादलयात सिफारिस याःगुयात राष्ट्रपितं अस्वीकार यायेवं संविधान संशोधनया विषयसं दलतय्गु दथुइ विवाद झन झन तच्वया वःगुिलं थौंया व्यवस्थापिका संसदया मुँज्या अन्यौलय् लाःगु दु । राष्ट्रपतिया ल्हातं तप्यंक हे संविधान संशोधन यात धाःसा गलत नजीर जुइ धकाः संविधानसभाय् दुथ्याःगु चिचीधंगु दलया नेतातय्सं आपत्ति प्वंकूगु खः । सरकारं बजेट पारित यायेगु निितं मेगु लँपु कथं संसदय् नं संविधान संशोधनया प्रस्ताव दर्ता याःगु दु । थुगु कथं सरकारं वजेट हयेगु निितं संविधान संशोधनया निितं निगू हे लँपुया विषयसं अन्यौलता ब्वलनेवं म्हिगः विहिवाः मूमू दलया नेतातय्सं गृहकार्य याःसां उिकं लिच्वः पिकाये मपुूगु खः ।

बुधवाः तक कामचलाउ सरकारया सिफारिसय् संविधान संशोधन यायेगु धकाः तयारी याःगु दलत लिपांगु इलय् वयाः बिवाद जूगुिलं अलमल जूगु दु । थ्व हे झ्वलय् थौं सुक्रवाःया व्यवस्थापिका संसदया मुँज्या च्वनेगु निितं सभामुख सुवास चन्द्र नेम्वाङं कार्यव्यवस्था परामर्श समितिया मुँज्या च्वनीगु जूगु दु । थौं न्हिनय् साढे १२ बजे च्वनीगु उगु मुँज्याय् सरकारवादी दलतय्सं गुगु कथं प्रस्ताव हइगु खः धकाः सीके पुूगु मदुिन । थ्व हे झ्वलय् संसदय् दुथ्याःगु च्यागू चिचीधंगु दलया विहिवाः मंकाः मुँज्या च्वनाः राष्ट्रपतिपाखें सविधान संशोधन गुगु नं हालतय् याके मबिइगु धकाः सहमति जूगु दु । नेकपा एकीकृत नेपाः राष्ट्रिय पार्टी जनमुक्ति पार्टी नेपाली जनता दल नेकपा माले समाजवादी नेपाल सद्भावना पार्टी आनन्दीदेवी सरिता संघीय राष्ट्रिय मंच नापं मेमेगु राजनीतिक दलया नेतात च्वंगु उगु मुँज्यां वजेटया निितं संसदं हे संविधान संशोधनया प्रस्ताव पारित यानाः राष्ट्रपतियात सिफरिस यायेगु निितं प्रकि्रया न्ह्याकेमाः धकाः न्ह्यथंगु दु । नेकपा एकीकृतया नायः ऋषि कट्टेलं न्हूगु स्वनिगुलिसे खँल्हासें राष्ट्रपतिपाखें संविधान संशोधन यायेगु निितं कुतः यात धाःसा संसद घेराउ यानाः ज्या हे ठप्प यायेत चिचीधंगु दलत तयार जूगु दु धकाः कनादीगु दु । कन्हय् सरकार व मूमू दलत गुगु कथं वइ व स्वयाः थःिपं प्रस्तूत जुइगु जुइ धकाः नं धयादिल ।