पालुङटारय् ९५ प्रतिशत तयारी पुरा

राजेन्द्र न्यौपाने पालुङटार

एकीकृत नेकपा माओवादीं थःगु खुक्वःगु विस्तारित बैठकया ९० प्रतिशत तयारी पुरा जूगु जानकारी ब्यूगु दु । विस्तारित बैठक जुइगु थाय् गोरखा जिल्लाया पालुङ्गटार गा।वि।स।या तान्द्राङ्गटारय् दुगु शहीद कृष्णसेन स्मृति सूचना केन्द्रय् साचारकर्मीलिसे खँ ल्हासें विस्तारित बैठक मूल व्यवस्थापन समितिया सह संयोजक टोपबहादुर रायमाझीं बैठकया ९५ प्रतिशत तयारी पुरा जूगु जानकारी बियादिल । बैठकया निितं मालीगु सतक विस्तार मतया व्यवस्था त्वःनेगु लः टेलिफोन खाद्य सामग्रीया व्यवस्थापन लिपांगु चरणय् थ्यंगु वय्कःया धापू दु । तयारीया ज्या छितः गथे ताल धइगु नुगः खँय् रायमाझीं माओवादीं चाहय् जूसा न्ह्याःगु नं जुइफु धइगु खँ चिहाकःगु ईदुने हे जूगु विस्तारित बैठकया व्यवस्थापनया तयारीपाखें पुष्टी जूगु प्रतिकि्रया बियादिल । बैठकस्थलय् कटुसया सेउला व पँ छ्यलाः ७० गू कटेरात दयेकातःगु दु । २ गू टेन्ट स्वास्थ्य पोष्टया निितं तयातःगु दुसा बैठकया मू हलया निितं ७५ मिटर लम्बाई व ५० मिटर ब्याया क्षेत्रफलय् निर्माण ज्या जुयाच्वंगु दु । वइगु निन्हुयादुने फुक्क व्यवस्थापन यायेफइगु मूल व्यवस्थापन समितिया दुजः हितराज पाण्डे उत्तमं जानकारी बियादिल । त्वःनेगु लः चःबि लिसे म्वल्हुइगु निितं छ्यलीगु लः जम्मा यायेत जमिनय् प्वंकाः प्लास्टिक छ्यलाः ८८ द्वः क्षमताया ३ गू ट्याङ्की दयेकूगु दु । थुकिया लिसलिसे प्लास्टिकया ५०० व १००० लिटर क्षमताया दर्जनौ ट्याङ्कीत नं बैठकस्थल लिसे आवास क्षेत्रय् तयातःगु दु ।

म्वःल्हुईपं मिजंतय्गु निितं ५० गू हिति लिसे मिसातय्गु निितं धाःसा ३० गू हिति ब्यागलं ब्यागलं थासय् जडान यानातःगु दु । बैठक स्थल लिक्क हे मिजंतय्गु निितं १४९ व मिसातय्गु निितं ३२ गू चःबि निर्माण यायेधुंकूगु दु । अथेहे आवास क्षेत्र व मूल लँ जःखः नं दर्जनौंया ल्याखय् चःबि नापं दयेकातःगु दु । पिसाब बैङ्कं २० लिटर क्षमताया ३०० स्वयाः अप्वः जर्किनय् पिसाब जम्मा यायेत्यंगु नापं जानकारी ब्यूगु दु । जम्मा जूगु पिसाब अर्गानिक मलया रुपं छ्यलीगु जानकारी ब्यूगु दु । बैठकस्थल प्रवेश दुहाँ वनेगु थीथी थासय् गोरखा जिल्ला पार्टीं १२ गू स्वागतद्वार दयेकेत्यंगु माओवादी गोरखाया छ्यााजे चुडामणि खड्कां जानकारी बियादिल । अथेहे तनहुँ स्याङ्गजा पर्वत कास्की लगायतया जिल्लाय् नं विस्तारित बैठकया निितं हे स्वागतद्वार दयेकीगु माओवादी तमुवान राज्य समिितं जानकारी ब्यूगु दु । मेस लिक्क केन्द्रीय सल्लाहकारतय्गु निितं च्वनेगु नयेगु व्यवस्था याइगु लिसलिसें मस्त दुिपं मस्तय्गु निितं मातृ शिशु केन्द्र नं बैठकस्थल लिक्क हे तइगु व्यवस्था मिलय् यानातःगु दु । बैठक स्थल दुने व पिने २४ घौ स्वास्थ्य उपचारया निितं विशेष व्यवस्था मिलय् यानातःगु दु । केन्द्रीय समितिया बैठकया निितं नं कटुसया सेउला व पँया छ्यलाःपाखें दयेकातःगु दु । अथेहे समूहगत सहलह व आवासया निितं ३२ फिट लम्बाई व १६ फिट चौडाईलय् निर्मित कटेरात हे छ्यलीगु आवास निर्माण उपसमिितं जानकारी ब्यूगु दु । बैठक स्थल सुरक्षाया निितं पोष्टत निर्माण यानातःगु दु । बैठकस्थलय् उपभोक्ता सहकारीं सहुलियत दरं सुन्तला बरां केरा लगायतया उपभोग्य बस्तुत मियाः वयाच्वंगु दु । बैठकस्थल जःखः बजि नयेगु निितं होटलत साचालनय् हःगु दुसा न्हियान्हिथं बैठक स्थल अवलोकनया निितं आपालं ल्याखय् सर्वसाधारणत वयेगु यानाच्वंगु दु ।
स्थानीयबासी धाःसा थःगु गामय् विकासया पूर्वाधार लँपु त्वःनेगु लः मत टेलिफोन लगायतया सुविधा प्राप्त जुइवं मख्ख जूगु दु । छुं महिना न्ह्यः सुनसान व उजाड जुइगु पालुङ्गटारया वडा नं। ८ य् लाःगु तान्द्राङ्गटार थ्व इलय् पर्यटकीय केन्द्र थें जूगु दु ।