मिसा क्रिकेट कासाय् नेपाःया पदक त्याकेगु आशा क्वचाल

१६क्वःगु एशियाली कासाया मिसा क्रिकेट कासाय् पदक त्याकेगु नेपाःया आशा क्वचाःगु दु ।

चीनया 'ग्वाङजाओ'स न्ह्यानाच्वंगु थुगु कासा अन्तरगत जूगु थौं जूगु स्वंगूगु कासाय् नेपाः जापानलिसे ४५ गू रनं बूगु दु ।

थौ उगु कासाय् जापानं न्ह्यब्वःगु १३६ रनया हाथ्यायात नेपालं पार यायेमफूगु खः । १३६ रनया लक्ष ज्वनाः कासाख्यलय् कुहांवःगु नेपालं क्वःछिनातःगु २० गू ओभरय् मुक्कं ९० गू रन जक दयेकेफूगु खः । नेपाःया लागि नीरा राजोपाध्यायं ३७ गू रन व क्याप्टेन नेरी थापां २६ गू रन दयेकूसां उगु रन कासा त्याकेगु लागि पर्याप्त मजुल ।

टस बुनाः न्हापां व्याटिङ याःगु जापानं क्वःछिनातःगु २० गू ओभरय् ४गू विकेटया क्षती १३५ रन दयेकूगु खः । थ्व स्वयां न्ह्यः जापानलिसे म्हितूगु न्हापांगु कासाय् नं नेपाः १० गू विकेटं बूगु खः ।

More Stories Like this