क्षेप्यास्त्र आक्रमणय् झिंन्याम्ह सित
पाकिस्तान (सिन्ह्वा)
अफगानिस्तान सीमा क्षेत्र अर्थात् पाकिस्तानया उत्तरी वजिरिस्तान आदिवासी क्षेत्रय् म्हिगः अमेरिकापाखें चालकलिसे विमान डरोन आक्रमण यानाः म्होनिं झिंन्याम्ह संदिग्ध आतङ्ककारी सीगु खँ सरकारी स्रोतं जानकारी ब्यूगु दु । अमेरिकाया प्रतिस्थित गुप्तचर संस्था सिआईएं वंगु निदँनिसें डरोन आक्रमण तीव्र व व्यापक याःगु दु । थुगु अशान्त व तालिवानीपिनिगु आश्रयस्थल कथं कयातःगु उत्तरी वजिरिस्तान ईलाकाय् तालिवानीतय्त सखाप यायेगु उगु संस्थाया उद्देश्य दुगु धाःगु दु ।
राष्टर सङ्घीय मानव अधिकार आयोग व एम्नेस्टी इनटरनेशनल थेंज्याःगु मानव अधिकारवादी संस्थां अमेरिकापाखें याइगु डरोन आक्रमणय् उच्च ल्याखय् सर्वसाधारण नागरिकत उखेथुखे जुइगु जूगुलिं व्यापक आलोचना याःगु दु । तर न्ह्याम्हसिनं न्ह्याःगु हे टिप्पणी याःसां नं पाकिस्तानया थुगु आदिवासी क्षेत्र हे तालिवानी आतङ्ककारीया मूल जरो जूगुलिं थुकियात न्हंकेत डरोन आक्रमण हे दकले बांलाःगु जूगु अमेरिकाया निष्कर्ष दु ।
पाकिस्तानं धाःसा डरोन आक्रमणया सख्त प्रतिरोध यानाः वयाच्वंगु व उत्तरी वजिरिस्तानय् चलखेल याइगु हक्कानी व हाफिज गुल बहादुरयात मेमेगु छु नं उपायपाखें तह लगय् यायेमाःगु वकालत यानाः वयाच्वंगु दु ।
More Stories Like this
दक्षिणी अफगानिस्तानय् नीम्ह तालिवानपाखें आत्मसमर्पण भारतया उडिसाय् चलखं झिंखुम्ह सित अमेरिका व बेलायतया गुप्तचर एजेन्सीया गद्दाफीलिसे साँठगाँठ रुसं सिरीयाया चिकं मन्यायेगु विषययात कयाः कुंखिन जापानय् न्ह्यगू दशमलव छगू रेक्टरया भुखाय्
