एशियाड खेलकुद धेंधेंबल्लाः न्यान्हु भारत्तोलक कमलं कायम यात निगू राष्टिरय कीर्तिमान

ग्वान्झाउ चीन (झीगु स्वनिगः)

१६ औं एशियाली खेलकुद अन्तर्गत मिसा कि्रकेटय् मंगलबाः नेपालं हङकङयात ७ विकेटं बुकूगु दु । ग्वान्झावया गोन कि्रकेट मैदानय् जूगु न्हापांगु धेंधेंबल्लाः कासाय् जापानलिसे दश विकेटया आपालं अन्तरया हार फयाः स्तब्ध जूगु मिसा पुचः मंगलबाः धाःसा शुरुंनिसें हे बांलाक्क म्हितूगु खः । टस त्याकाः न्हापांगु ब्यािटङय् वःगु हङकङ २० ओभरय् नौ विकेट खर्च यानाः ७२ रनय् दीगु खः । हङकङया निितं यान हुङं सर्वाधिक ४७ रन दयेकूगु खः ।

१८ ओभरय् ७१ रन जूबलय् तिन विकेट तंकूगु हङकङं अनंलिपा थप छगू रनया निितं बाँकी ६ विकेट तंकूगु खः । हङकङया ६ ब्याट्स उमेन रनआउट जूगु खः । अथेहे रुबिना क्षेत्री नेरी थापा व रश्मि शर्मां छगू छगू विकेट काःगु खः । लिसलय् वःगु नेपाली टिमं ७३ रनया लक्ष्य १५ ओभर दुई बलय् तीन विकेट खर्च यानाः पुरा याःगु खः । नेपाःया निितं युथ टिमया कप्तान नेरी थापां दकले अप्वः २८ रनया योगदान बिल ।
अतिरिक्त १७ रन दुगु नेपाःया निितं कप्तान नीरा राजोपाध्यायं अविजित १२ रन काल । अथेहे बलं न्यतालय् लानाः हिटायर्ड हट जुइन्ह्यः रश्मी शर्मां नौ रन कायेत ताःलाःगु खः ।

नेपालं आः जापानलिसे धेंधेंबल्लाः कासा म्हिती । नेपाल व जापान निगुिलं छगू छगू कासा त्याःगु कारण थुिपं निगू टिम दथुइ हाकनं कासा जुइत्यंगु खः । थुिपं निगू टिम दथुइ सु त्याइ वहे सेमी फाइनलय् थ्यनी । नेपाल दुगु हे मेगु समूहया मेगु कासाय बंगलादेश व हङकङ म्हिती । थुगु कासाय् नं त्याःगु टिम सेमीफाइनल थ्यनी ।


दिल्लीइ छेँ दुनाः वयाः खुइखुम्ह
नयाँ दिल्ली (पिटिआई)

पूर्वी दिल्लीया लक्ष्मी नगरय् दुगु छगू स्थानीय प्यत जाःगु तल्ले भवन दुनाः वयाः म्होिनं खुइखुम्ह मनूत सीगु दुसा सच्छि व स्वीम्ह मनूत बांमलाक्क घाःपाः जूगु सरकारी स्रोतं जानकारी ब्यूगु दु । घाःपाः जूिपं सच्छि व स्वीम्हसित थीथी अस्पतालय् भर्ना यानातःगु व उद्दार ज्या न्ह्यानाच्वंगु स्वास्थ्य मन्त्री किरण वालियां जानकारी बियादिल । न्हू दिल्लीया पूर्वय् लाःगु यमुना खुसिलिक्क दुगु उगु ललिता पार्क कोलोनीइ पश्चिम बङ्गालपाखें वःगु करिब खुइम्ह परिवार आप्रवासी दुगु जानकारी नापं ब्यूगु खः ।

िझंन्यादँ पुलांगु उगु भवन गैरकानूनी व मापदण्ड विपरित तरिकां दयेकातःगु जुइपुूगु धुकुमाः नं याःगु दु । उगु भवनया क्वय्पाखे जग जायेकाः ताःईतक्क लः मुनाच्वंगु खँया जानकारी ब्यूगु दु । थाई बौद्ध देगलय् आपालं मृत भ्रूण लुयावल ।

बैंकक (एएफपी)

मध्य बैंककया छगू बौद्ध देगलय् छुं अवैध क्लिनिकपाखें हयातःगु ३४८ मानव भ्रूण लुयावःगु थाई प्रहरीं मङ्गलबाः जानकारी ब्यूगु दु । उगु ३४८ शव देगःया मृत मनूया शव तयेगु थासय् प्लास्टिकया झोला व अखबारय् प्वःचिनाः तयातःगु अवस्थाय् छम्ह देगःया हे कर्मचारीं लुइकूगु खः । प्रहरी कर्णेल मेटी राक्फानं धाल, उगु प्लास्टिकया झोलादुने तयातःगु मृत भ्रूण देगःया गोदाम छेँय् सुचुकाः तःगु अवस्थाय् लुयावःगु खः ।
थुिपं अवैध क्लिनिकपाखें हःगु जुइफु व जििपं थुकियात कयाः अनुसन्धान यानाच्वनागु दु वय्कलं धयादिल । देगःया मृत मनूया शव तइगु थाय्या कर्मचारीतय्त नं छानबिन याइगु धाःगु दु । छम्ह उद्दारकर्मीं न्यासः स्वयाः आपालं थज्याःगु मृत भ्रूण लुइके फइगु सम्भावना दुगु धाःगु दु ।

More Stories Like this