न्यायाधीश सुनुवाइसं सहमति

येँ (झीगु स्वनिगः)

व्यवस्थापिका संसद् संसदीय सुनुवाइ विशेष समिितं न्यायपरिषद्पाखें सर्वोच्च अदालतया स्थायी न्यायाधीशय् प्रस्ताव याःगु स्वम्हं न्यायाधीशया सिफारिसयात सर्वसम्मितं अनुमोदन याःगु दु । समितिया म्हिगः च्वंगु बैठकं सर्वोच्च अदालतया अस्थायी न्यायाधीशिपं अवधेशकुमार यादव गिरिशचन्द्रलाल व सुशीला कार्कीदथुइ लाःगु उजुरीया स्पष्टीकरण न्यनेधुंकाः समिति उगु निष्कर्षय् थ्यंगु खः । समिितं स्थायी पदय् प्रस्तावित न्यायाधीशयाबारे सार्वजनिक रुपं नुगःखँया इनाप याःकथं न्यायाधीश गिरिशचन्द्रलालया विरुद्ध स्वविवेकीय अधिकारया दुरुपयोग यानाः चोरी सिकारी व गैँडा तस्करयात सजाँयपाखें उन्मुक्ति बिइगु कथं फैसला याःगु उजुरी लाःगु खः । उगु उजुरीया खण्डन यासें न्यायाधीश गिरिशं उजुरीकर्तां थःगु विरुद्धय् मजुसे वन व वन्यजन्तु संरक्षणया पक्षय् च्यूताः क्यनादीगुिलं उकियात थःम्हं तसकं सकारात्मक रुपं कयागु नापं जानकारी बियादिल ।
अथेहे न्यायाधीश सुशीला कार्कीदथुइ कार्यक्षमताया अभाव दुगु फैसलाया मस्यौदातक्क नं तयार मयासे रिट खारेज याःगु कारण बिइमफुगु बेन्च सहकर्मीपाखें अःपुक्क हेस्याइगु राजनीतिक दलया कार्यकर्ता नं जूगु व न्यायलय् विचलित जुइगु यानाच्वंगु उजुरी लाःगु खः ।
अदालतं याःगु फैसला कार्यान्वयन यायेगु निकायं कार्यान्वयन यानाः मबियाः अदालतप्रति टीकाटिप्पणी वःगु धयादिसें धयादिल । फैसला जुइ कार्यान्वयन जुइमखु । न्यायाधीश अवधेशकुमार यादवदथुइ छु नं उजुरी मलाःसां नं सभासद्पिनिगु न्ह्यसःया लिसः बियादिसें वय्कलं मुद्दाया अनुसन्धान यायेगु पक्षया कमजोरीया कारण अदालत अप्वः आलोचित जुइगु यानाच्वंगु दु धयादिल ।

गुलिखय् मुद्दाया सिलसिलाय् कानून अपूर्ण भेदभावपूर्ण व त्रुटिपूर्ण जुयाः निर्णय बिइगु इलय् समस्या वयेगु यानाच्वंगु धयादिसें न्यायाधीश यादवं कानून निर्माण यायेबलय् अप्वः सोचविचार यायेमफुत धाःसा मुद्दाय् अनुसन्धानपक्ष फितलो जुयाः सही न्याय बिइत समस्या जुइफु धयादिल ।

More Stories Like this